Headlines

රාජපක්ෂගේ ඡන්දෙට කෝටි ගණන් මුදල් දුන් ව්‍යාපාරිකයන් මෙන්න!

Posted by Sri Lanka Guardian | Saturday, December 20, 2014 | Posted in ,

ලංකා ඊ නිව්ස්

මැදමූලන මරාගෙන් හැදී වැඩුනු ගජ මිතුරු ජාවාරම් කරුවන් විසින් ඔහුගේ මැතිවරණ ව්‍යාපාරයට දුන් මුදල් පරිත්‍යාග ලැයිස්තුවකින් කොටසක් පමණක් ලංකා ඊ නිව්ස් වෙත ලැබී තිබේ. මෙම මුදල් ලබා දී ඇත්තේ මැදමූලන මරාගේ ලේකම්වරයෙක් වන ගාමිණී සෙනරත්ට ය. මේ ගාමිනී සෙනරත්ට ලැබුනු පරිත්‍යාග ලැයිස්තුවේ පළමු කොටස පමණය. මීට අමතරව බැසිල්ට දුන් පරිත්‍යාග ලැයිස්තුවක්ද, නාමල්ට දුන් පරිත්‍යාග ලැයිස්තුවක්ද ඇත. ඒවා පසුව ප්‍රසිද්ධ කරමු. 

ඩබ්.කේ.එච්. වෑගපිටිය - රු.මි. 115 යි
දොන් ධම්මික පෙරේරා - රු.මි. 300 යි (පළමු වාරය)
දොන් ධම්මික පෙරේරා - රු.මි. 220 යි (දෙවන වාරය)
හැරී ජයවර්ධන - රු.මි. 370 යි
සොහිලි කැප්ටන් - රු.මි. 80 යි
අස්ලාම් ඕමාර් - රු.මි. 230 යි
ඉම්ටියාස් යුසුෆ් අලි - රු.මි. 135 යි
සෝමා එදිරිසිංහ - රු.මි. 240 යි
රංජිත් පේජ් - රු.මි. 300 යි
සුමල් පෙරේරා - රු.මි. 260 යි
අසෝක හෙට්ටිගොඩ - රු.මි. 50 යි
කිෂෝර් හයිද්‍රාමනී - රු.මි. 100 යි
ඒ. දේවසුරේන්ද්‍ර - රු.මි. 450 යි

මේ ලැයිස්තුවේ එකතුව - රු.මි. 2850 (රු.කෝටි 285 යි)

මැදමුලනේ; මේවා සෙල්ලම් ප්ලේන්ද? අශ්වයාත් එහෙමද?

Posted by Sri Lanka Guardian | | Posted in ,

මේ දිනවල ජනාධිපති මහින්ද රාජපක්ෂ මහතාගේ පවුලේ සාමාජිකයින් භුක්ති විඳින ඉතාම සැපවත් ජීවිත පිළිබඳව දේශපාලන වේදිකාවේ කතාබහ වෙමින් තිබේ.

රටේ ජනතාව දිනපතා ආණ්ඩුවට ගෙවන බදු මුදල්වලින් පාලකයින් සැපවත් ජීවිත ගතකිරීම අලුත් දෙයක් නොවන නමුත් දැන් දැන් එය කෝටි ප්‍රකෝටි ගණනින් මුදල් නාස්තිය, සහ ඔවුන්ගේ ගිණුම් තරකර ගැනීම දක්වා වර්ධනය වී තිබේ.

විපක්ෂයේ දේශපාලන පක්ෂ විසින් මේ සම්බන්ධයෙන් විවේචන එල්ල කරන විට ජනාධිපති මහින්ද රාජපක්ෂ මහතා ඒවා බැහැර කරනු ලබන්නේ ඉතාම සැහැල්ලුවෙනි. ඇමති ධුරය නැත්නම් වෙනත් දේශපාලනයක් හෝ ජීවිතයක් නොමැති ඇතැම් පිරිස් ජනාධිපතිවරයාගේ පවුලේ උදවිය ගැන සහ පුත්තුන් ගැන කතා කරන්නේ මහත් ආඩම්බරයෙනි.

අප මේ ඡායාරූප පළකරනු ලබන්නේ අපගේ පාඨකයෙකුගේ ඉල්ලීම පරිදි ජනාධිපතිවරයාගේ සහ ජනාධිපති පුතුන් ජනතා දේපොළ නාස්ති කරමින් භුක්ති විඳින ජීවිත ගැන නොදන්නා අයගේ දැනගැනීම පිණිස බව කරුණාවෙන් සලකන්න. මෙම ඡායාරෑප ලැබුණේ ජනාධිපතිවරයාගේ බාල පුත්‍රයාගේ පේස්බුක් ගිණුමෙන් බවද සඳහන් කරමු.
----- --






ප්‍රභාකරන් සාධකය” සහමුලින්ම පරාජය කිරීම

Posted by Sri Lanka Guardian | | Posted in ,

සමාජ විද්‍යාත්මක කෝණයෙන් බලන විට අහිංසාව ගරු කළ උතුරේ දෙමල සමාජය තුල හිංසනය සහ ත්‍රස්තවාදය පැන නැගුනේ කෙසේ ද යන පැනයකි. පෘතුගීසි යුගය දක්වා ඉතිහාසය බලන විට දමිල ප්‍රජාව අතර රණකාමීන්ට සිටියේ සන්කිලියන් පමණි. සියවස් ගණනාවක් පුරා උතුරේ ද්‍රවිඩ සමාජය තුල ප්‍රචණ්ඩත්වය සඳහා හිතකර උපස්තරයන් නොවිය. නමුත් 1976 පමණ කාලය වන විට මෙම තත්වය උඩු යටිකුරු වන්නේය.
වෛද්‍ය රුවන් එම්. ජයතුංග

ප්‍රභාකරන්ගේ තිස් වසරක යුදමය ක්‍රියාදාමය පරාජය කිරීම ශ්‍රී ලංකාව ලත් සුවිසේෂි ජයග්‍රහණයකි. මෙම ජයග්‍රහණය ලබා ගත්තේ දහස් ගණනක ජිවිත පරිත්‍යාගයෙනි. මෙම යුද්දය නිසා කායික සහ මානසික වශයෙන් ආබාධිත වූ සංඛ්‍යාව සටනින් මියගිය ප්‍රමාණයටත් වඩා අධික ය. එසේම එල්.ටී.ටී.ය විසින් ආර්ථික මර්මස්ථාන වලට කරන ලද පහර දීම් සහ සිදුකල විනාශයන්, යුද්දය සඳහා සිදු කල වියදම් මෙන්ම යුද්දය විසින් ඇති කළ ආර්ථික අවපාතය නිසා ගතවූ කාලය තුල ලංකාවට අහිමි වූ මුදල අතිශයින්ම විශාල ය. එම නිසා යුද්ධය ශ්‍රී ලංකාවට කළ විනාශය අති දැවැන්ත බව පැහැදිලි කරුණකි. මේ හේතුවෙන් තිස් වසරක යුද්දයක ශාපයෙන් ශ්‍රී ලංකාව මිදීම යනු, මේ රටේ සිංහල දෙමල, මුස්ලිම් ජනතාව ලත් ජයග්‍රහණයකි.

ශ්‍රී ලංකාව තුල ඇතිවූ යුද ගැටුම සමහරු අර්ථකථනය කරන්නේ ජනවාර්ගික ගැටලුවක් ලෙසට ය. සමහරු එය ත්‍රස්තවාදී ප්‍රශ්නයක් ලෙස දකිති. ඇතැමෙකු එය ඉන්දියානු ව්‍යාප්තවාදයේ අතුරු එලයක් ලෙස පෙන්වා දෙති. කුමන අර්ථකථන තිබුන ද යුද්දය සෑම ජන වර්ගයකටම විනාශයක් වූ බව ඇස් පනාපිට ඔප්පුවූ කරුණකි. දෙවන ලෝක මහා යුද්දයෙන් පසු ආසියානු කලාපයේ රටක දැවැන්ත ගරිල්ලා යුද්දයක් ඇති වුයේ කෙසේද යන්න අධ්‍යනයට, විමර්ශනයට සහ විශ්ලේෂණයට බඳුන් කළ කරුණක් වුවද ඊලාම් යුද්දය වාර්තාකරණය මිස හැදෑරීම පසුගිය දශක තුන පුරා ලක් කොට නොමැත. එය හැකි ඉක්මනිම සිදු කළ යුතු කර්තව්‍යකි.

සමාජ විද්‍යාත්මක කෝණයෙන් බලන විට අහිංසාව ගරු කළ උතුරේ දෙමල සමාජය තුල හිංසනය සහ ත්‍රස්තවාදය පැන නැගුනේ කෙසේ ද යන පැනයකි. පෘතුගීසි යුගය දක්වා ඉතිහාසය බලන විට දමිල ප්‍රජාව අතර රණකාමීන්ට සිටියේ සන්කිලියන් පමණි. සියවස් ගණනාවක් පුරා උතුරේ ද්‍රවිඩ සමාජය තුල ප්‍රචණ්ඩත්වය සඳහා හිතකර උපස්තරයන් නොවිය. නමුත් 1976 පමණ කාලය වන විට මෙම තත්වය උඩු යටිකුරු වන්නේය. මහාචාර්ය රාජන් හූල් පෙන්වා දෙන අන්දමට 1970 දශකයත් සමග ද්‍රවිඩ ප්‍රජාව තුලින් ප්‍රජාතන්ත්‍රවාදී පරමාර්ථ ක්‍රමක් ක්‍රමයෙන් ගිලිහි යාමට පටන් ගනියි. මේ සඳහා දකුණේ දේශපාලන ක්‍රියාකාරකම් ද ඉවහල් වූ බව නොරහසකි.

ප්‍රභාකරන් සාධකය:

ප්‍රභාකරන් සාධකය යනු නිදහසින් පසු ශ්‍රී ලංකාව මුහුණ දුන් බරපතලම අර්බුදය විය. ශ්‍රී ලංකාවේ දේශපාලන ආර්ථික සහ සමාජ ගමන් මග වෙනස් කිරීමට ප්‍රභාකරන්ට හැකි විය. ඔහුගේ මරණින් පසුවද ප්‍රභාකරන් සාධකයේ තර්ජන අවසන් වී නැත. ප්‍රභාකරන් යනු ශ්‍රී ලංකික මිලිටරිවාදය විසින් ඇති කරන ලද්දක් බව මහාචාර්ය දයා සෝමසුන්දරම් ඔහුගේ Sacred Minds කෘතියෙන් පවසයි. නමුත් මෙය මුළුමනින්ම නිවැරදි ප්‍රකාශයක් නොවන බව මගේ වැටහීමයි. 2006 වසරේ මම ඇමරිකාවේ කැන්සාස් හි වොෂ්බර්න් සරසවියේ යුද ආතතිය පිලිබඳ ආරාධිත දේශනයකට ගියෙමි. එම දේශනයේදී එක් මහාචාර්යවරයෙකු මගෙන් මෙම ප්‍රශ්නය ඇසීය. මගේ අදහස අනුව ප්‍රභාකරන් යනු සාධක රැසකින් ජනනය වූ විනාශකාරී බලවේගයකි. සිංහල සහ ද්‍රවිඩ ජාතිවාද විසින් ප්‍රභාකරන් නමැති ප්‍රපංචය නිර්මාණය කරන ලදී. ඔහු තමන්ගේ ජනතාව පවා අනතුරේ හෙළුවේය. ඔහු ද්‍රවිඩ සමාජයේ අධ්‍යාත්මය විනාශ කළේය. ද්‍රවිඩ ඩයස්පෝරාව විසින් උපයන මිලියන ගණනක මුදල් සහ එකී මුල්‍යමය වාසි නිසා ඇතැමෙකු ප්‍රභාකරන් සාධකයේ පැවති විනාශකාරී පාර්ශවය ගැන කතා නොකල ද යම් දිනක ද්‍රවිඩ ජනතාව විසින් ම ඔහු පිළිබඳව විනිශ්චයක් දෙනු ඇත.

ප්‍රභාකරන් තුල ව්‍යාථවේදී පෞරුෂ සාධක දක්නට ලැබුණි. නමුත් මේ ගැන කතිකාවට බඳුන් වී ඇත්තේ ඉතාම අඩුවෙනි. 2004 වසරේ ප්‍රභාකරන් දේශපාලනමය සහ යුදමය වශයෙන් ඉතා බලවත්ව සිටි අවදියේ දී ඔහුගේ පෞරුෂ සාධක හෙළි කරමින් කරමින් ප්‍රභාකරන් සාධකය පිලිබඳ මනෝවිද්‍යාත්මක විශ්ලේෂණයක් යන කෘතිය මම එළි දැක්වුයෙමි. එම ගවේෂණාත්මක කෘතිය මගින් ළමා ප්‍රභාකරන් චර්යාත්මක අක්‍රමතාවයකින් (Conduct Disorder) පෙළුණු බවත් පසුකාලීනව වැඩිහිටි දිවියේදී ඔහු තුල සමාජ විරෝධී පෞරුෂ ලක්ෂණ (Antisocial Personality Disorder) තිබෙන බවද ඔහුගේ ජිවිත කතාව සහ චර්යාව මගින් පෙන්වා දුනිමි. මේ මතය ඇතැම් වියතුන්ගේ විවේචනයට ද ලක් විය. නමුත් 2011 වසරේ මම යාපනය විශ්වවිද්‍යාලයේ මනෝවිද්‍යා අංශයේ මහාචාර්ය දයා සෝමසුන්දරම් මහතා අමතමින් 2004 වසරේ ප්‍රභාකරන් පිළිබඳව මගේ අධ්‍යනයන් ගැන තතු පැවසුවෙමි. වේලුපිල්ලේ ප්‍රභාකරන් සමාජ විරෝධී පෞරුෂ ලක්ෂණ වලින් යුතු පුද්ගලයෙකු බව මහාචාර්ය දයා සෝමසුන්දරම් ද පිලිගත්තේ ය.

ප්‍රභාකරන් තුල දැඩි ආත්ම කේන්ද්‍රියතාවක් (self centered) තිබුණි. ඔහු සංවෘත (introverted) පෞරුෂ ලක්ෂණ දැරිය. එසේම ධ‍්‍රැවගත සහ ඒකාකෘති චින්තනයකින් යුක්ත විය. හීන වූ සහකම්පනිය අවබෝධයක් සහිත නාසිස්ටික නිව්රෝසියතාවයේ (Narcissistic Neurosis) ලක්ෂණ ඔහු කෙරෙන් දැක ගත හැකි විය. (හීන වූ සහකම්පනිය අවබෝධය නට්සීන් තුලද තිබු බව හර්මන් ගෝරිඞ් ඇතුළු නට්සි නායකයන් මනෝවිද්‍යාත්මකව විශ්ලේෂණය කළ ගුස්ටාව් ගිල්බර්ට් පෙන්වා දෙයි) ඔහු මරණයට බිය විය. (මේ පිළබඳව ද්‍රවිඩ කවියෙකු වූ කාසි ආනන්දන් පවා කියා තිබේ) එම නිසා මරණය කල්ට් වන්දනාවක් ලෙස කරමින් මරණය උත්කර්ෂයට පත් කරමින් මරණය වන්දනා කරන කළු කොටි සංකල්පය ඔහු බිහි කළේය.

හිංසනය ප්‍රතික්ෂේප කල සම්ප්‍රදායික දමිල සමාජය උඩු යටිකුරු කරමින් සයනයිඩ් සංස්කෘතියක් ඇති කළේය. ළමා සොල්දාදුවන් ඇති කිරීම මගින් ද්‍රවිඩ සමාජයේ අනාගතය ද විනාශ කළේය. මේ සියලු විනාශකාරී ක්‍රියා සිදු කළමුත් නාභිගතවූ චින්තනයක් සහිත වූ ප්‍රභාකරන් දැඩි ආත්ම ශක්තියකින් යුක්ත විය. පුරා වසර 30 ඔහු ලංකාණ්ඩුවට එරෙහි ව්‍යාල යුද්දයක නිරත විය.

ප්‍රභාකරන් යුදමය වශයෙන් පරාජය කිරීම
:

ප්‍රභාකරන් යනු හුදු එක පුද්ගලයෙක් පමණක් නොවිය. දෙස් විදෙස් බලවේග ඔහු වටා තිබුණි. එවැනි බලවේගයක් පරාජය කිරීම සුළු පටු ක්‍රියාවක් නොවිය. නමුත් ත්‍රිවිධ හමුදාවට ප්‍රභාකරන් යුදමය වශයෙන් පරාජය කිරීමට හැකි විය. වර්තමානයේ ප්‍රභාකරන් සහ එල්.ටී.ටී.ඊ. සංවිධානය පරාජය කිරීම ගැන බොහෝ වාද විවාද පවතී. ජයග්‍රහණයට පියවරු රැසකි. දේශීය මෙන්ම විදේශීය බලවේග ප්‍රභාකරන්ට සහය දීමට සිටියහ. ඔහු අපරාජිත බව යුද ප්‍රවීණෝපදේශකයන් පුන පුනා කිහ. නමුත් අවසානයේදී ප්‍රභාකරන් පරාජය කිරීමට ත්‍රිවිධ හමුදාවට හැකි විය.

එවැනි බලවේගයක් පරාජය කිරීමට හැකි වුයේ කෙසේද?


2002 වසරේ සිට 2006 දක්වා මම ශ්‍රී ලංකා යුද හමුදාවේ සංග්‍රාම ආතති ප්‍රතිකාර අංශයේ සංග්‍රාම විඩාවට ලක් වූ සොල්දාදුවන්ට සහ නිලධාරීන්ට ප්‍රතිකාර කලෙමි. මේ වකවානුව තුල හමුදාවේ උසස් නිලධාරීන් තුල පවා එල්.ටී.ටී.ය යුදමය වශයෙන් පරාජය කිරීමට නොහැකි බවට පොදු මතයක් තිබෙන බව මට වැටහුණි. මා සමග අදහස් හුවමාරුවේ යෙදුනු හිටපු යුද හමුදාපතිවරයෙක් පවා මේ අදහස දැරීය. යුදමය සහ දේශපාලන අනාවැකි සාර්ථකව කීමේ හැකියාව තිබු දේශපාලන විශ්ලේෂකයෙකු ලෙස නම් දරා සිටි හිටපු ගුවන් හමුදාපති හැරී ගුණතිලක මහතා පවා දැරුවේ මේ අදහසයි. එතුමාගේ රණවිරු වැන්දඹුවන් ගේ සුභ සාධන කටයුතු වලදී උපදේශන වැඩසටහන් පැවැත්වීමට මට ආරාධනා කර තිබු අතර හැරී ගුණතිලක මහතා සමග මම දිවයිනේ බොහෝ පළාත් වලට ගියෙමි.

එතුමාගේ මරණයට දින 5 පමණ පෙර (2008 අප්‍රේල් මාසයේදී) අප අනුරාධපුරයට ගියෙමු. එම චාරිකාවේදී ද එල්.ටී.ටී.ය යුදමය වශයෙන් පරාජය කිරීමේ අසීරුතාවය ගැන එතුමා මට කිවේය. නමුත් 2009 මැයි මාසය වන විට ගුවන් හමුදාපති ව සිටි එතුමාගේ පුත්‍රයා ඇතුළු යුද සහ නාවික හමුදාපතිවරුන් එල්.ටී.ටී.ය යුදමය වශයෙන් සහමුලින්ම පරාජය කළහ. මෙවැනි අසීරු ඉලක්කයක් සපුරා ගැනීමට හැකි වීමට හේතු කවරේද යන්න අපගේ සාකච්ඡාවට බදුන් විය යුතුය. අවසන් යුද මෙහෙයුම වන 2001 අග්නිකීල මෙහෙයුමෙන් පසුව සොල්දාදුවන් තුල පොදුවේ කලකිරීම්, සහ හීන වූ සටන්කාමිත්වයක් දක්නට තිබුණි.

ආබාධිත වූ සොල්දාදුවන්ගේ සුභසාදනය අක්‍රමවත් විය. 2001 – 2006 අතර කාලයේ සොල්දාදුවන්ගේ පුනරුත්ථාපන නිසි ලෙස සිදු නොවුනි. අබාධිත සොල්දාදුවන්ගේ නිදහස් ගමන් බලපත්‍ර පවා කපා දමන මට්ටමට නිලධාරිවාදය නරුම වී තිබුණි. මේ නිසා සටන් ඒකක වල සිටි සොල්දාදුවන් පවා යලි යුද්දයක් ඇති වුවහොත් ජිවිත අවදානමට පත් නොකර ගන්නා සෙයක් තිබුණි. යුද්දයේ දස්කම් දැක්වූ නිලධාරීන් වෙනුවට යුද්දයේදී බියගුළු වූ සහ සොල්දාදුවන් අතරමං කොට පලා ගිය නිලධාරීන්ට උසස්වීම් ලැබුණි. යුද ශිල්පය මනාව දත් නිලධාරීන් වෙනුවට අංජනම් බලන, අපල උපද්‍රව වලට සෙත් කවි කියන, ප්‍රභාකරන් පැරදීමට නම් හනුමා කෝවිල් තැනිය යුතු බව කියන නිල ඇඳුම ඇඳි අරිට්ඨ කී වෙන්ඩු ලා හමුදාපතිවරුන්ගේ උපදේශකයන් වුහ. මෙවැනි විකාරරූපී තත්වයක් තිබු හමුදාව 2009 වන විට ලෝකයේ අති දක්ෂ ප්‍රහාරාත්මක හැකියාවක් තිබු හමුදාවක් බවට පත් විය. 
 
පශ්චාත් යුද සමයේදී ප්‍රභාකරන් සාධකය ඉස්මතු වීම:

වේලුපිල්ලේ ප්‍රභාකරන් ශාරීරිකව විනාශ කලද ඔහු විසින් ලෝකය පුරා පතුරවා හරින ලද බෙදුම්වාදය නිශේදනය කිරීමට අසමත් වීම ශ්‍රී ලංකාව විසින් කරන ලද එක් වරදකි. ද්‍රවිඩ ඩයස්පෝරාව මුල්‍යම වශයෙන් ශක්තිමත් අතර දේශීය දේශපාලකයන්, සමාජ ක්‍රියාධරයන් මෙන්ම බටහිර රටවල මන්ත්‍රීවරු පවා ඔවුන් මිලට ගෙන තිබේ. මේ නිසා අද බෙදුම්වාදය ජිවන මාර්ගයකි. එබැවින් පශ්චාත් ප්‍රභාකරන් සාධකය පරාජය කිරීම සඳහා ලංකාණ්ඩුව විසින් සාර්ථක මූලෝපායන් භාවිතා කල යුතුය.


ඩයස්පෝරාව විසින් ලංකාව කොටු කර ගැනීම සඳහා ක්‍රියා කරති. මේ තත්වයට මුහුණ දීමට නම් මනා රාජතාන්ත්‍රික සබඳතාවන් අනෙකුත් රටවල් සමග පවත්වා ගනිමින් ප්‍රභාකරන් සහ එල්.ටී.ටී.ඊ. සංවිධානය විසින් සිදු කල විනාශයන් පිළිබඳව අන්තර්ජාතික ප්‍රජාව දැනුවත් කල යුතුය. අවාසනාවකට මෙන් එල්.ටී.ටී.ඊ. සංවිධානය සිදු කල ජන ඝාතන ගැන අන්තර්ජාතික ප්‍රජාව නියමාකාර ලෙසින් දැනුවත් වී නොමැත. මේ නිසා ඊලාම් යුද්දයේ වග උත්තරකරුවන් අනියම් ලෙසින් ලංකාවට චෝදනා එල්ල වේ. නමුත් ඊලාම් යුද්දයේ සැබෑ ඉතිහාසය සොයා බැලුවහොත් මෙය ලංකාව මත පැටවූ යුද්දයක් බව පෙනී යයි. බෙදුම්වාදීන්ට ආයුධ පුහුණුව ලබා දෙන ලද්දේ ඉන්දියාව විසිනි. එසේම ඇතැම් බටහිර රටවල් විසින් ද එල්.ටී.ටී.ඊ. සංවිධානයට ආයුධ මෙන්ම තාක්ෂණය ලබා දෙන ලදී.

පුරා දශක තුනකට අධික කාලයක් එල්.ටී.ටී.ඊ. සංවිධානය විසින් උතුරේ සහ දකුණේ සිදු කල විනාශය සහ ද්‍රවිඩ ජනතාව 20,000 අධික ප්‍රමාණයක් මරා දැමීම ගැන ගැන නියමාකාරයෙන් අන්තර්ජාතික ප්‍රජාව දැනුවත් කලේ නම් ලංකාව කොටු කර ගැනීම සඳහා ඩයස්පෝරාව දරණ වෑයම ප්‍රතිවර්තන කිරීමට ලංකාණ්ඩුවට හැකියාවක් තිබුණි. නමුත් මේ සඳහා යුද්දයෙන් පසු වැඩපිළිවෙලක් නොවිය. එය ලංකාවට අවාසිදායක විය. යටත් පිරිසෙන් ඉදිරි කාලයේදී ඊලාම් යුද්දය සහ ප්‍රභාකරන් සාධකයේ විනාශකාරී මුහුණුවර විද්‍යාත්මක වශයෙන් අධ්‍යනය කිරීමට ලංකාවේ මධ්‍යස්ථානයක් ඇති කල යුතුය. පොල්පොට් විසින් කරන ලද සමාජ වියසනය ගැන අධ්‍යනය කිරීමට කම්පුචියාවේ මෙවැනි මධ්‍යස්ථානයක් ඇති අතර එම මධ්‍යස්ථානයට විදේශීය සරසවි වලින් පවා පිරිස පැමිණෙති.

මෙවැනි මධ්‍යස්ථානයක් ලංකාවේ තිබුනේ නම් ප්‍රභාකරන් සාධකය ශක්තිමත් කරවමින් ද්‍රවිඩ ඩයස්පෝරාව විසින් මුදල් පොම්ප කරමින් උතුරේ කල භෞතික සහ සංස්කෘතික විනාශය ගැන පැහැදිලි චිත්‍රයක් අන්තර්ජාතික ප්‍රජාවට ලබා දීමට තිබුණි. මේ නිසා ප්‍රභාකරන් සාධකය අධ්‍යනය කිරිමටත් එහි විනාශකාරීභාවය ගැන දෙස් විදෙස් ප්‍රජාව දැනුවත් කිරීමත් අත්‍යවශයෙන්ම සිදු කල යුතු කර්තව්‍යකි. මේ හැර යලිත් මෙවැනි විනාශකාරී යුද්දයක් ලංකා භුමියේ යලි පැන නොනැගීමට අවශ්‍ය ප්‍රාග්ඥානයක් මෙවැනි අධ්‍යනයක් තුලින් සිංහල ද්‍රවිඩ සහ මුස්ලිම් ජනතාවට ලබා දිය හැකිය. එමගින් බෙදුම්වාදය මුල් කොට ගත් ප්‍රභාකරන් සාධකය සහමුලින්ම පරාජය කිරීමට අවශ්‍ය දැනුම සහ ශක්තිය ලැබෙනු ඇත.

(ප්‍රභාකරන් සාධකය: මනෝවිශ්ලේෂනාත්මක විග්‍රහයක්”  කෘතිය ඇසුරෙනි )

විපක්ෂයේ පොදු අපේක්ෂකයාගේ ප්‍රතිපත්ති ප්‍රකාශයන එළි දැක්වීමටත් බාධා

Posted by Sri Lanka Guardian | | Posted in ,

විපක්ෂයේ පොදු අපේක්ෂක මෛත්‍රීපාල සිරිසේන මහතා ගේ ප්‍රතිපත්ති ප්‍රකාශනය එළි දැක්වීමේ අවස්ථාව 2014 දෙසැ. 19 දින කොළඹ විහාරමහාදේවි එළිමහන් රංග පීඨයේ දී පැවැත්වුණි.  මෙම උත්සවය සදහා අවසර ඉල්ලා 2014 දෙසැ. 16 දින  යොමු කළ ලිපියකට එදිනම කොළඹ මහ නගර සභාවේ නගරාධිපතිවරයා සහ නාගරික කොමසාරිස් විසින් අවසර ලබා දී තිබුණි.

කුරුදුවත්ත පොලීසිය විසින් විහාරමහාදේවි එළිමහන් භුමියේ ශබ්ද විකාශන යන්ත්‍ර භාවිතය සදහා දෙසැ. 17 දින අනුමැතිය ලබා දී තිබුණි. ඒ අනුව මෙම රැස්වීම නීත්‍යානුකුල වේ.

සිරිසේන මහතා ගේ ආධාරකරුවන් රැස්වීම සදහා වන පීඨිකාව, අමුත්තන් සදහා වන පියස්ස සකස් කරමින් සිටින අතර දෙසැ. 18 දින රාත්‍රී 11 ට පමණ පැමිණි හමුදා නිලධාරියෙකු වන කැප්ටන් ශාන්ත දිසානායක නැමැත්තා මෙම භුමිය රාජ්‍ය ආරක්ෂක අමාත්‍යාංශයට යටතේ පාලනය වන බැවින් එහි ඉදිකිරීම් සදහා ආරක්ෂක අමාත්‍යාංශයේ ලේකම්වරයාගෙන් අවසර ලබා ගත යුතු බව පවසා ඇත. උත්සවයේ කටයුතු සංවිධානය කිරීම භාරව කටයුතු කළ විශ්‍රාමික මේජර් සරත් සිරිවර්ධන මහතා එයට දැඩි විරෝධය දැක්වීමෙන් පසුව හමුදා නිළධාරීන් එම ස්ථානයෙන් පිටත්ව ගොස් ඇත.  පසුව දෙසැ. 19 දින අලුයම 4.00 ට පමණ එහි පැමිණි තවත් හමුදා නිලධාරියෙකු ඒ වන විටත් ඉදිකරමින් තිබූ පියස්ස ගලවා දැමීමට උත්සහ දරා ඇත.   එහි සිටි පිරිසගේ දැඩි විරෝධය හමුවේ හමුදා නිලධාරීන් එම ස්ථානයෙන් ඉවත් විය.

උත්සවය පැවැත්වෙන භුමියේ විදුලිය විසන්ධි කොට තිබූ අතර මෙම අවස්ථාවට විදුලිය සපයා තිබුණේ ජෙනරේටර් මගිනි.  රැස්වීම ආරම්භවීමෙන් පසුව පෙ.ව. 10.10 ට පමණ ජෙනරේටරයෙන් විදුලිය සැපයීමේ ප්‍රධාන විදුලි වයරය කපා දමන ලදී.  ප්‍රතිපත්ති ප්‍රකාශනය දොරට වැඩීමේ අවස්ථාවේ විනාඩි 12 කට වැඩි වේළාවක් විදුලිය විසන්ධි වී තිබූ අතර එය පැහැදිලි කඩාකප්පල්කාරී ක්‍රියාවක් විය.
 තෙල්දෙණියේ විදුලිය කපලා.  නාවලපිටියේ ලංගම බස් නෑ.

අද දෙසැ. 20 දින මහනුවර තෙල්දෙණිය හා නාවලපිටිය හි විපක්ෂයේ පොදු අපේක්ෂක මෛත්‍රීපාල සිරිසේන මහතා ගේ රැස්වීම් පැවැත්වීමට නියමිතය.  පෙ.ව. 7.40 වන විටත් තෙල්දෙණිය ප්‍රදේශයේ විදුලිය විසන්ධි කොට ඇත.  නාවලපිටිය රැස්වීම පෙ.ව. 9 ට පැවැත්වීමට නියමිත අතර පෙ.ව. 8.31 වන විට ශ්‍රී ලංකා ගමනා ගමන මණ්ඩලයේ පොදු ප්‍රවාහන සේවාවන් අඩාල කොට ඇත.
 
ගල්නෑවේ පැමිණිලිකරුවන්ට සභාපතිගෙන් මරණ තර්ජණ

2014 දෙසැම්බර් මස 16 වැනිදා  ගල්නෑව මාවත්තේගම පාසල අසල සිදුවු වෙඩිතැබීමේ සිදුවීමේ ප්‍රධාන සැකකරුවන ගල්නෑව ප්‍රාදේශිය සභාවේ සභාපති ඩබ්ලිව්.එම්. චන්ද්‍රතිලක මහතා ඒ පිළිබද පොලිස් පැමිණිල්ල සිදු කළ අයට කිහිපවරක්ම මරණ තර්ජන කර ඇත.  ජේ.ඒ.අජිත් ප්‍රේමකුමාර ඇතුඵ පැමිණිලිකරුවන්ට මේ නිසා පොලිසියට යාමට පවා නොහැකි වී ඇත.  මෙම තර්ජන පිළිබද ගල්නෑව පොලිසියට පැමිණිලි කිරීමට ගිය ද එම පැමිණිල්ල පවා පොලීසිය සටහන් කරගෙන නොමැත.

ගල්නෑව නිවසේ විපක්ෂයේ පොදු අපෙක්ෂකයාට සහාය දැක්වීමට පැවති රැස්වීමේ අවසානයේ පිටව යාමට සුදානම් වන විට එල්ල  වු මෙම ප්‍රහාරයෙන් යතුරු පැදි 5 කට සහ ට්‍රැක් රථයකට අලාභ හානි සිදු විය.

 තරුණ සේවා සභාවේ සේවකයින් බලහත්කාරයෙන් මැතිවරණ ව්‍යාපාරයට

ජාතික තරුණ සේවා සභාවේ සේවකයින් බලහත්කාරයෙන් එජනිස මැතිවරණ ව්‍යාපාරයේ යෙදවීමේ අවස්ථා ගණනාවක් පිළිබද පැමිණිළි කැෆේ සංවිධානය වෙත ලැබී ඇත.  මහරගම ප්‍රධාන කාර්යාලයේ සේවකයින්ට දෙසැ. 22 දින බැහැරයාමේ ලේඛණයේ අත්සන් තබා මාතර දිස්ත්‍රික්කයේ මැතිවරණ ප්‍රචාරක කටයුතු සදහා යාමට සුදානම් වන ලෙස දැනුම් දී ඇත.  මේ පිරිස මාතරට රැගෙනයාම සදහා බස් රථ යොදවා ඇත.

සදුදා (22) පෙ.ව.7 ට මහරගම ට පැමිණෙන ලෙස මේ පිරිසට දන්වා ඇති අතර එසේ පැමිණීමට අකමැති පිරිස් ඒ බව ලිඛිතව දැනුම්දිය යුතු බවට තරුණ සේවා සභාපතිවරයා දන්වා ඇත.

දෙසැ. 20 දින පෙරවරු 10 දක්වා කැෆේ සංවිධානය වෙත ලැබී ඇති පැමිණිලි සංඛ්‍යාව 406 කි.  එයින් 40 ක් ප්‍රචණ්ඩක්‍රියා වන අතර 366 ක් මැතිවරණ නීති උල්ලංඝණය කිරීම් වේ.

යුක්රේනයේ වික්ටර් සහ මැදමූලනේ මහේන්ද්‍ර

Posted by Sri Lanka Guardian | Friday, December 19, 2014 | Posted in ,

| මහාචාර්ය ඩෙස්මන්ඩ් මල්ලිකාරච්චි
 
අද ලෝකය තුළ ප්‍රපංචයන් දෙකක් කැපී පෙනේ.

1. සිවිල් හෝ හමුදා ඒකාධිපති පාලනයන්ට ඓරෙහි දේශපාලන පිබිදීම්
2. ගෝලීය ආර්ථීක අර්බුදයන්. ආර්ථීක අර්බුදය මොහොතකට පසෙකලා දේශපාලන අර්බුදය දෙස බැලූවොත් කැපී පෙනෙන කරුණ වනුයේ සිවිල් නායකයින් මෙන්ම හමුදාපතිවරුන්ද මහජන ජන්දය නැමැති කැරට් අලය පෙරටුකොටගෙන මැතිවරණ පවත්වා, වංචාවෙන් ජයගෙන, ජනතාව මුළාකොට වසර කිහිපයකින් ප්‍රජාතන්ත්‍ර-වෙස්මුහුණු සහ  සලූපිළි ගළවා ඒකාධිපති නිළ අැඳුමට වැද ඉදිරි කාලයම ඡන්දය දුන් ජනතාව මානසිකව සහ ශාරීරිකව පෙළෙමින් හිතුවක්කාර ලෙස තම ඒකාධිපති අභිමතාර්ථයන් සපුරා ගැනීමට කටයුතු කිරීමයි.

18 සහ 19 සියවස්වල ප්‍රජාතන්ත්‍රවාදය සහ ඒකාධිපතිවාදය බොහෝවිට නිර්වචනය වුයේ එකිනෙකට පරස්පර පාලනතන්ත්‍ර දෙකක් ලෙසය. අද වුවද පොතේ නිර්වචනයන් දිවෙනුයේ මෙසේමය.  එහෙත් භාවිතයෙන් දක්නට ලැඛෙන්නේ දෙකෙහි ඥාතිත්වය, අනොන්‍ය සහ-සම්බන්ධය සහ සහ-ජීවනයයි.

ඒකාධිපතියෙකු වීමේ ඒකායන මාර්ගය මහජන ඡන්දය බව කපටි පාලකයෝ දනිති. ප්‍රජාතන්ත්‍රවාදී ආභරණයෙන් සැරසී අප ඉදිරියට සිනාසෙමින් එන මොවුන් ඒකාධිපතීත්වයට නැගිය හැකි ප්‍රජාතන්ත්‍රවාදය නැමැති ඉණිමගට අහිංසක ලෙස ගොඩවෙති. සටකපට සහ මෘග පිළිවෙත් හරහා දිනති. සාමය අවශ්‍ය තැනේදී සාමයෙන්ද ප්‍රචණ්ඩත්වය අවශ්‍ය තැනේදී ප්‍රචණ්ඩත්වයෙන්ද, කෙටියෙන් කිවහොත්, කෙක්කෙන් හෝ කොක්කෙන් ‘ගෙඩිය‘ කඩාගනිති. තම අභිලාෂය ඉටු කරගනිති.

අද ලෝකය පුරා ඇත්තේ ප්‍රජාතන්ත්‍රවාදයක් නොව ‘ප්‍රජාතන්ත්‍රවාදී-ඒකාධිපතිවාදයකි‘. (democratic-dictatorship). මෙම යෙදුම පරස්පරයක් (contradiction) - හෝ විරෝධෝක්තියක් (oxymoron)  ලෙස පෙනිය හැකිය. ඉතිහාසය තුළ එසේ වූ මුත්  අද එය එසේ නොවේ. භාවිතය පරස්පරය දියකර ඇත.

මුසෝලීනි, හිට්ලර්, කවුන්ඩා, ගූමා, කිම් ඉල් සුං, මුගාබේ, ඉඩි අමින්, මෙන්ජෙස්ටු සහ පොල්පොට් ආදී නායකයින් ඛෙහොමයක්ම එක්කෝ කුමන්ත්‍රණ හරහා නැතිනම් මහජන ජන්දයෙන් පත්ව පසුව ඒකාධීපතීන් වූවන්ය. එකම වසරේ (2010) බලයට පත්වූ යුුක්රේනයේ වික්ටර් යානුුකොවිච් (යානු) සහ ශ්‍රී ලංකාවේ මහින්ද රාජපක්ෂ (දෙවෙනි පදවිප්‍රාප්තිය) මින් වෙනස්වු සුවිශේෂයන් නොවේ. පළමුව යානු දෙවනුව මහින්ද.

යානුගේ යුක්රේනය 2010-2014

ආර්ථීක උද්දමනය, විරැකියාව, ඌන සංවර්ධනය, සෞඛ්‍ය සහ අධ්‍යාපන සහන කප්පාදු සහ නිදහස වළලා දැමීම ආදියට යුක්රේනයද නොඅඩුව මුහුණ දුන් සෙලේ්වික් රාජ්‍යයකි. යුක්රේනයෙහි 04 වැනි ජනාධිපති ධූරයට 2010 වසරේදී මහජන ජන්දයෙන් පත්වනුයේ සොරකමකට සහ පුද්ගල පහරදීම් කිහිපයක් නිසා දඬුවම් විඳ පසුව දේශපාලනයට පිවිස ඉන් ඉහළට පැමිනි යානුය. බලයට පැමිණ වසරක් ඇතුළත යානු ඒකාධිපති භූමිකාවට ඇතුල්වූනි. යානුට එරෙහිව සමාජ බලවේගයන් දියත්වීම නිසා වසර හතරක් ඇවෑමෙන් බලයෙන් ඉවත්කෙරිණ. ඔහුගේ යුක්රේන් පාලන සමය අත්තනෝමතික සහ ඒකාධිපති වීම මෙයට හේතුව විය. යානුගේ ඒකාධිපති වියරුව නැවතුනේ රුසියාවේ සරණාගතයෙකු වීමෙනි.

යානුගේ පක‍්ෂය වූයේ The Party of Regions ය. පක‍්ෂයේ බළය ‘තුක්සාස්‘ වලින් රඳවා ගෙන තිබිණ. ‘තුක්සාස්‘යන වචනය රුසියානු වුවද රුසියාව තුළ එය භාවිත නොවේ. එය ක්‍රියාත්මක වනුයේ යුක්රේනීය දේශපාලනය තුළ පමණි. ‘තුක්සාස්‘ යනු Carcass යන ඉංග්‍රීසි වචනයට සමාන වචනයකි. සිංහල තේරුම ‘සත්ව මළකුණු‘ (the dead animals) යන්නය. එවිට ‘තුක්සාස්‘ යනු වෙනත් පක‍්ෂ වලින් පැන ආ හෝ තම බලය තහවුරු කරගැනීම පිණිස යානු විසින් විවිධ වරදාන ප්‍රදානයෙන් උපක්‍රමශීලීව ඩැහැගත් මන්ත්‍රීවරුන් හැඳින්වූ පදයකි. යානුගේ පක‍්ෂය මේ අනුව බලවත්වූයේ වෙනත් පක‍්ෂයන්හි ‘සත්ව මළකුණු වලිනි.‘ (ජනාධිපති මහින්ද 2/3 ක බලයක් ඒකරාශි කරගත්තේද ‘තුක්සාස්‘ වලිනි. එහෙත් යානුට පෙරය. එ.ජා.ප මහලේකම් තිස්ස අත්තනායක මහින්දගේ රජයේ නූතනම ‘තුක්සාස්ය‘, එනම් නූතනම මළකුණය. අද ශ්‍රී ලාංකික දේශපාලනය ‘තුක්සාස්‘ එනම් ‘මළකුණු දේශපාලනයකට‘ වැටීම මොනතරම් ඛේදවාචකයක්ද?. කෙසේවුවද දෙදෙනාගේ විධික්‍රමය සමානය. දෙදෙනා උපායශීලී දෙබෑයෝ වනුයේ මෙහෙයිනි. රැස්කරගත් මේ සියළු බලයක්ම යානු භාවිත කළේ දූෂණය පෝෂණයට, ඒකාධිපතිවාදයට පාර කපා ගැනීමට සහ මහජන බදු මුදල් වලින් අති සුපිරි ජීවිතයක් භුක්තිවිඳීමටය.

සුපිරි පහසුකම් සහිත ඔහුගේ පෞද්ගලික නිවාසය නඩත්තුවූයේ මිලියන ගණන් මහජන මුදලිනි. තමන්ගේ සුඛවිහරණයට (ආහාරපාන, ඉඳුම් හිටුම්, නිවාඩු නිකේතන සංචාර, අනවශ්‍ය සංග්‍රහ ආදී) යුක්රේන මහජන මුදල් යානු විසින් අනුකම්පා විරහිතව අතදිග හැර වියදම් කරනුයේ  යුුුක්රේන ජනතාවෙන් සෑහෙන ප්‍රමාණයක් සතර අපා දුක් විඳිද්දී සහ යුක්රේනියානුවන් පරම්පරා ගණනාවක් විදේශීය ණය බැඳුම්කරවල හිරකර තබමින් සහ ඒවාට උකස්කරමිනි. (මහින්ද තම දන්සැල් ව්‍යාපෘතියෙන් කරනුයේ තම පුද්ගලික දේශපාලන අරමුණ ඉටු කරගැනීමට මහජන බදු මුදල් යානු මෙන් සිතුසේ ආයෝජනය කිරීමකි. මොහු රටේ භාරකාරයාද, රට අරක්ෂාකිරීමට කැපවූ පළමු පුරවැසියාද නැතිනම් රට විනාශකරන බහිරවයාද යන්න ජනතාව ප්‍රශ්න කරනුයේ මෙහෙයිනි).

යානුට එරෙහිව ‘යුක්රේන් ප්‍රජාතන්ත්‍රවාදී සංවිධානයෙන්‘ යූලියා ටයිමෙසෙන්කෝවා තරඟ වැදිණි. යානු සමග තරඟ වැදීමේ ‘පාපයට‘ බොරු චෝදනා රැසකට වැරදිකාරිය කර යානු විසින් යූලියාව වසර හතකට හිරේ දමයි. (මහින්දට එරෙහිව තරඟ කිරීමේ ‘ප්‍රජාතන්ත්‍රවාදී-වරදට‘ සරත් පොන්සේකාටද යූලියාට අත්වූ ඉරණම අත්වූ බව අප දනිමු. ලෝකයේ කොහේ වුවද ඒකාධිපතිවාදීන්ගේ දේශපාලන ජීව විද්‍යාව සජාතීයය යන්න මෙහි ගම්‍යයයි.).

යූුලියා වැරැද්දක් කර නොතිබූ නිසා වසර දෙක හමාරකට පසු ඇයව නිදහස් කිරීමට යානුට සිදුවිය. (සතර දිග්භාගයෙන් තෙරපුමක් මහින්දට ඒම නිසා සරත් පොන්සේකාව නිදහස් කිරීමට මහින්දටද සිදුවිය.) ඒකාධිපතීන්ට පොදු ලක්ෂණයක් යානු විසින් පෙන්වාදෙනු ලැබීය. එනම් පළිගැනීමය. (මහින්දගේ පලිගැනීමේ මනෝභාවය සමස්ථ ලංකාවම දනිති).

යුූලියාගෙන් පලිගැනීමට යානු පෙළඹීම ඔහුට එරෙහි උද්ඝෝෂණවල ආරම්භය විය. උද්ඝෝෂකයින් 82 ක් දින 4ක් තුළ ඝාතනය කිරීමට අණ දීම සහ මුල්වීම සහ ඒවා ඝාතන බව දැන සිටියද ඒ පිළිබඳව කිසිවක් නොකිරීම සහ රටේ ජනාධිපති හැටියට එම මරණ පිළිබඳව ජනතාවට පිළිගතහැකි වාර්ථාවක් නොදීම ඔහුට එරෙහිව රැල්ලක් මතු වීමට හේතුවුහ. (ශ්‍රී ලංකාවේද තත්වය මෙසේම නොවූයේද? වැළිකඩ රැඳවියන් 40 ක් පමණ එක රාත්‍රියකදී අමානුෂික ලෙස ඝාතනය වුවද එදා සිට අද වන තෙක් එය එසේ සිදුවූයේ ඇයිද යන්න අප නොදනී. මරණයට පත්වූවන්ගේ ඥාතීන්ද නොදනී. මෙයද ඒකාධිපති රාජ්‍යයක ලක්ෂණයකි. යානු වැළිකඩ ඝාතන ගැන නොදනී. මහින්ද යුක්රේන්වල ඝාතන ගැන නොදනී. එහෙත් දෙදෙනාම මිනිස් ඝාතන සිදුවූූ බව දනිති. දෙදෙනාම මුනිවත රැකි බවද අප දනිමු. (ප්‍ර්‍රජාතන්ත්‍ර පාලනයක මේවා කෙසේ නම් සිදුවිය හැකිද?). 

යානුගේ ඒකාධිපති චර්යාව හේතුවෙන් ඔහුට තම ඒකාධිපති පාලනය ගෙනයෑමට නොහැකි තත්වයක් උදාවිය. මේ නිසා ඔහුගේම පාර්ලිමේන්තුව කැබිනට් මණ්ඩලයේද අනුමැතිය සහිතව 2012 වසරේදී ඔහුට එරෙහිව ගොස් ඔහුව බලයෙන් පහකරන ලදී. (යුක්රේනියානු පාර්ලිමේන්තුවට මල්මිටක්).

යානු ඉවත් කිරීමෙන් මාස 6කට පමණ පසු යානු සහ ඔහුගේ පාලන සමය පිළිබඳවත් යුක්රේන්හි ප්‍රජාතන්ත්‍රවාදී සංවිධානයේ ජාත්‍යන්තර ලේකම්වරිය වූ ඇලීසා රූබන් 2012 වසරේදී වාර්තාවක් ඉදිරිපත් කළාය. ඇය ඉන් පෙන්වා දෙනුයේ ප්‍රජාතන්ත්‍රවාදයෙන් බලයට පත්වන්නන් ව්‍යවස්ථා විරෝධීව ක්‍රියාකරමින් වියරු ඒකාධිපතීත්වයක් කරායන බවත් මෙවන් ඒකාධිපතීන් මහජන බලය ඉදිරියේ බලයෙන් පහව විනාශ වී යන බවත්ය. ඇගේ නිගමනය යුක්රේන් ගැන වුවද බොහෝ රටවල ඒකාධිපතීන්ගේ ඉරණම මෙය වූ බව අප දනිමු. මහින්දද වසර හතරකට පසු අද වැටී ඇත්තේ එම ඉරණම් අත්දැකීමටය.  

යානුගේ සිව්වසරක පාලන සමයේ යුක්රේනයේ තත්වය සහ ඔහුගේ දේශපාලන හැසිරීම පිළිබඳව ඇලීසා රූබන්ගේ වාර්තාවින් අවධාරණය වූ අදහස් පොදුවේ ඒකාධිපතීත්වයේ රූපයත් විශේෂයෙන් මහින්දගේ ඒකාධිපති භූමිකාවත් මොනවට කියාපාන්නේද? මෙය ‘එකම වර්ගයේ කුරුල්ලන් එක අත්තේ ලගිති‘ යන්නෙහි හොඳම දේශපාලන සාක්ෂියයි. අප රූබන්ගේ වාර්තාවේ සාරාංශයට හැරෙමු. මෙය ශ්‍රී ලංකාව ගැන නොවුනද ඔබ මේ කියවනුයේ ශ්‍රී ලංකාව පිළිබඳවය.

‘‘තත්වය ඉතා කණගාටුදායකය: දූෂණය ඉහවහා ගොස්ය: යුක්රේන්වල ජනතාවගේ එකම ප්‍රශ්නය අන්කවරෙකුවත් නොව ඒකාධිපති යානු සහ ඔහුගේ දූෂිත ඇමති මණ්ඩලය සහ නිලධාරී සගයන්ය. පාරදෘශ්‍යභාවය පිළිබඳ ජාත්‍යන්තර සූචියට අනුව ගෝලීය දූෂණ ලැයිස්තුවේ යුක්රේනය සිිටිනුයේ 144 ස්ථානයේය.

මහින්දගේ ශ්‍රී ලංකාව දූෂණ සූචියේ 85 ය. මෙයිනුත් හරි අඩක් මැති ඇමතිවරු සහ රජයේ ඉහළ නිලධාරීන් විය යුතුය. මානව නිදහස ඉතා සීඝ්‍රයෙන් උල්ලංඝනය වෙමින් යයි. ස්වාධීන අධිකරණයක් නොමැත. රටේ විනිශ්චයකාරවරුන් ඇතුළු සියළු වැදගත් තනතුරු වලට නිළධාරීන් පත්කරනුයේ ඔහු විසිනිි. රාජ්‍ය පාලනය යානුකොවිච්, පුතුන් දෙදෙනා සහ ඔහුගේ සහෝදරයින් සහ සමීපතම පවුල මත පමණක් රඳවා ගෙන ඇත. සුදුසුකම් රහිත වූ සහ අවම වූ ඔහුගේ හිතවතුන් රජයේ ඉහල තනතුරු වලට පත්කර ඇත. රට ප්‍රජාතන්ත්‍රවාදයට හැරෙන ප්‍රවණතාවය සැබෑවට අඩපන කිරීමට කටයුතු කරනා තුර ප්‍රෝඩාවට ප්‍රජාතන්ත්‍රවාදය මැතිරීම සහ රඟපෑම. රටට ප්‍රජාතන්ත්‍රවාදය රැගෙන ඒමට සහ රට දූෂණයෙන් සහ ඒකාධිපති උවදුරින් මුදවාගැනීමට පෙළ ගැසුනු ‘යුක්රේන් ප්‍රජාතන්ත්‍රවාදී සංවිධානය‘ නැමැති පක‍්ෂයට මැතිවරණයට ඉදිරිපත්වීම වලකාලීම. ව්‍යවස්ථාව වෙනස් කිරීම සඳහා නීතිමය ප්‍රතිපාදන සකස් කිරීම සහ ව්‍යවස්ථාව රිසිසේ විවරණය කිරීම. ඒ සඳහා තමා පත්කරන ලද අධිකරණයෙන්ම නීති ආවරණය ලබාගැනීම. රාජ්‍ය බලය අධම සහ අයුතු ලෙස අවභාවිත කිරීම. යානු සහ පාර්ලිමේන්තුව අතර සම්බන්ධයක් නොපැවැත්වීම. යානු විසින් මහජන බදු මුදල් ඉවක්බවක් නොමැතිව තම ඡන්ද ව්‍යාපාරයට භාවිත කිරීම. විරුද්ධ පක‍්ෂයේ අපේක‍්ෂකයන්ට ජීවිත තර්ජන සහ හිරිහැර කිරීමට කණ්ඩායම් යෙදවීම. මැතිවරණ නීති-රීති තුට්ටුවකට මායිම් නොකරමින් අල්ලස්, පගා සහ තෑගි භෝග කෑම බීම මැතිවරණයට පෙරත් මැතිවරණ දිනයේත් රිසිසේ ඛෙදාහැරීම. තම ඇමතිවරුන්ට සහ නිලධාරීන්ට රටේ සම්පත් කිසිම හිරිකිතයකින් තොරව ගසා කෑමට ඉඩහැර මුනිවත රැකීම. ඡන්ද කොට්ඨාශවල ප්‍රතිපල ඉහළ අධිකාරීන්ට රපෝර්තු කරන අවස්ථාවේ බොහෝවිට සත්‍ය ප්‍රතීඵලය නොව විකෘති ප්‍රතිපලයක් දීමට අවශ්‍ය තාක්ෂණික යාන්ත්‍රණයක් සකස්කර ක්‍රියාවේ යෙදවීම. (ශ්‍රී ලංකාවේ මහින්ද රෙජිමය තුළ මෙයම සිදුවූ බවට කටකතා තිබූ අතර එය හැඳින්වූයේ ‘කම්පියුටර් ජිල්මාට්‘ ලෙසය. ජනවාරි 08 වෙනි දිනද මෙවැන්නක් කිරිමට අර අඳින බවක්ද කියවේ). වෙබ්-කේන්ද්‍රිත සඟරාවක් වන Glavred 2010 යුක්රේන් මැතිවරණ ඉතිහාසය තුළ පැවැත්වූ ඉතාමත් නීරස, දූෂිත, අප්‍රසන්නම මැතිවරණය යානුකොවිච්-මැතිවරණය යැයි දක්වා ඇත. එසේම ‘යුක්රේනයේ හොරා‘ යන නාමයෙන්ද ඔහුව හැඳින්වීය.  

ඇලීසාගේ වාර්තාවින් පසු යුක්රේන අගමැති ‘ආසෙනි යෙට්සුනික්‘ විසින් 2012දී පාර්ලිමේන්තුවේදී කරනු ලැබූ හෙළිදරව්ව යානුගේ යුක්රේන් ජනතා විරෝධී චෞර මනස විවෘත කොට පෙන්වීය. යානුව එළවනවිට ‘රාජ්‍ය භාණ්ඩාගාරයේ ඔහු ඉතුරු කොට තිබුනේ ඇමෙරිකානු ඩොලර් මිලියන 430 ක් පමණි. එහෙත් ඔහුගේ පෞද්ගලික වත්කම ඇමරිකානු ඩොලර් බිලියන 4 කි. යානු ගේ පුතුන්ගේ සහ සහෝදරයින්ගේ කීයදැයි නොදනිමු. (මහින්දගේ, පුතුන්ගේ සහ සහ සහෝදර සමාගමේ කොපමනදැයිදැයිද අප නොදනිමු). යානුගේ සමයේ ඩොලර් බිලියන 37ක් වාර්තා රහිතව අන්ත්‍රස්දානවී ඇත. ඔහුගේ අවුරුදු 3ක පාලන කාලය තුළ තවත් ඩොලර් බිලියන 70ක් රටින් බැහැරව ගොස් ඇති මුත් ඒවායින් සමහරෙක නීත්‍යානුකූල භාවයට සාක්ෂි නොමැත. (යුක්රේන අගමැති (පෙබරවාරි 2014) පාර්ලිමේන්තුවේදී).  

ඇලීසා රූබන්ගේ වාර්තාව ශ්‍රී ලංකාව ගැන හෝ මහින්ද ගැන නොවේ. එය යුක්රේනය සහ යානුකොවිච් පිළිබඳවය. මෙම වාර්තාවින් යුක්රේනය සහ යානුකොවිච් යන වචන ඉවතට ගෙන ඒ වෙනුවට ශ්‍රී ලංකාව සහ මහින්ද යෙදුවොත් මෙම වාර්තාව ශ්‍රී ලංකාව ගැනදෝයැයි සිතෙන තරමට සිද්ධින් අතින් සමාන නොවේද? යානු සහ මහීන්ද දෙබෑයෝ වනුයේ මෙසේය.

මහින්දගේ ශ්‍රී ලංකාව 2010-2014

මහින්ද ශ්‍රී ලංකාවේ ජනාධිපති පදවියට පළමුවරට පත්වූයේ 2005 වසරේය. එ් ඔහුද යානු මෙන් මහජන ඡන්දයකට මුහුණදීමෙන් අනතුරුවය. මහින්ද නියමිත වසර හය නොඉඳ ව්‍යවස්ථාවේ අඩංගු ප්‍රතිපාදනයක් ඉදිරියට ගෙන 4 වෙනි වසර අවසානයේදී (අත්‍යාවශ්‍යම නොවී තිබියදී) දෙවැනි ධූරකාලයක් සඳහා ජනතාවගේ කැමත්ත පැතුවේ රජයේ හමුදා විසින් 30 ස් අවුරුදු යූද්ධය නිමාකොට ප්‍රභාකරන්ව ඝාතනය කිරීමේ සිද්ධියෙන් අතිරේක දේශපාලන වාසියක් ලබාගැනීමේ අවස්ථාවාදී අරමුණිනි. යුද්ධය නිම වීමේ පසුබිම ඔහුගේ ජයග්‍රහණය සහතික කරන බව ඔහු සහ ඔහුගේ උපදේශක මණ්ඩලය දැන සිටියෝය. වසර දෙකක කාලයක්ද ඉතිරිව තිබියදී කෝටි ගණන් මහජන මුදල් වියදම් කොට මහින්ද මෙම පියවරට එළෙඔනුයේ ඒකාධිපතීත්වයට යාමට හොඳම මාවත ප්‍රභාගේ මරණය හරහා ඉදිකර ගත හැකියැයි සිතූ හෙයිනි. මැතිවරණ ප්‍රචාරක සමයේත් ඊට පසු සෑම කුඩා මැතිවරණයකදීත් ප්‍රභාකරන්ගේ මිනිය රජයේ රූපවාහිණී නාළිකාවල සුලභ දර්ශනයක් වෙමින් දේශපාලන වශයෙන් විකුනුණි. ජනතාවද ස්වාභාවිකව සහ නිවැරදිව කළගුණ සැලකීමේ මනෝවිද්‍යාවක ගිළී සිටි හෙයින් සියල්ල සිතූ පරිදිම සිදුව මහින්ද 2010 දී දෙවෙනි ධූරකාලයකට ද පත්වෙනු ලබයි. මහින්දගේ ඒකාධිපති ගමන් මගේ සංයුක්ත භූ සිතියම ඇඳෙනුයේ මෙම කාල ලක්ෂයේ සිටය. 18 වෙනි ව්‍යවස්ථා සංශෝධනයේ කලළ බීජයද මේ තුළ නොතිබුනායැයි සිතිය නොහැකිය. තෙවෙනි ධූරකාලයක ‘තණ්හාව‘ දෙවෙනි ධූරකාලයේ ජයග්‍රහණයෙන් ලද දිරියකි, උත්තේජනයකි. මෙය ප්‍රජාතන්ත්‍රවාදය නොව ඒකාධිපති ව්‍යාධියකි.

යානුගේ මැතිවරණය පමණක් නොව එදා සිටම මැතිවරණ සියල්ලම පාහේ දූෂණ බද්ධ බවට ඉතිහාසය සාක්ෂි සපයයි. ශ්‍රී ලංකාවේ මැතිවරණ ඉතිහාසය වුවද දූෂණවලින් තොර නොවූ බව සත්‍යයකි. එහෙත් ජනාධිපති මහින්ද තරම් (2010 දීත්) ඉතා පහත් ආකාරයට මෙම කාර්යයේ නිරතවූ වෙනත් පාලකයෙකු නිදහසින් පසු ශ්‍රී ලාංකික දේශපාලනය තුළ නොසිටියේය.

මහින්දගේ වයඹ සහ ඌව මැතිවරණයන් දුෂණයෙන් ඉහවහා ගිය ඒවා වූ අතර 2015 ජනවාරි 8 වෙනි දින පැවැත්වීමට නියමිත මැතිවරණය යානු ගව් ගාණකින් අභිබවා යමින් ශ්‍රී ලංකාවේ පැවැත්වෙන අන්ත දූෂිත මැතිවරණය බවට ඉතිහාස ගතවන ආකාරයට කටයුතු සිදුවෙමින් පවතී. මෙය මෙසේ සිදුවනුයේ රජයේ ගෝලබාලයින් නිසාමත් නොව ප්‍රජාතන්ත්‍රවාදයේ ආරක්ෂකයා තමන්යැයි කියාගන්නා ජනාධිපති මහින්දගේ ‘ඊනියා‘ ප්‍රජාතන්ත්‍රවාදී ක්‍රියාකලාපය නිසාය.

සිටින ජනාධිපති මෙන්ම අපේක්ෂකයාද තමන්ම නිසාම කිසිම භයක් හෝ ලැජ්ජාවක් නොමැතිව සහ හිරිකිතයකින් තොරව  මහජනයාගේ බදු මුදලින් දිනකට පන් හය දාහකට දන්සැල් දිගහරී: මීට අමතරව ස්කූටර්, ෆෝන්, බයිසිකල් බෙදයි. හිටිඅඩියේ ගෑස්, පෙට්රල්, ඩීසල්, භූමිතෙල් අඩුවෙයි. අල්ලස්, පගා, වරදාන පොරොන්දු, ශිෂ්‍යත්ව සහ සහතික පමණක් නොව වසර 5 කට පසු බැංකුවල සින්නවූ උතුරේ ද්‍රවිඩ ජනයාගේ රත්‍රං බඩු ස්වල්පයක් පමනක් නැවත ලබාගැනීමට කොළඔට කැඳවා තුණ්ඩු පමණක් බෙදයි. ශ්‍රී ලාංකික දේශපාලන ඉතිහාසය තුළ මෙතරම් ජරාජීර්ණ දේශපාලනයක් ගැන ජ්‍යෙෂ්ඨ පුරවැසියෙකු වශයෙන් මට අත්දැකීමක් නැත. එහෙත් මහින්දගේ පිළිවෙත ගැන ඉහවහා ගිය ලැජ්ජාවක් නම් ඇත. මෙවන් දෑ රාජ්‍ය ත්‍රස්තවාදයේ රූපයක් වනුයේ විරුද්ධපක්ෂයට එවැන්නක් කිරීමට ආර්ථීික ක්‍රය ශක්තියක් හෝ දේශපාලන බලයක් හෝ නොමැති තත්වය දැනදැනම කරන නිසාත් ආරාධිතයනගේ මොළ බලහාත්කාරයෙන් ‘ශුද්ධ‘ කරන නිසාත්ය. ප්‍රජාතන්ත්‍රවාදයට සැබෑ ලෙස ගරු කරන්නෙකුට කෙසේ නම් මෙසේ ප්‍රජාතන්ත්‍රවාදය වැලළිිය හැකිද? යානූ ප්‍රජාතන්ත්‍රවාදය යුක්රේනයේ වළ දමනවිට මහින්ද එය ශ්‍රී ලංකාවේ වළදමයි.

ඒකාධිපතිවාදීන් ලෙස සාමාන්‍යයෙන් හඳුන්වනුයේ ප්‍රජාතන්ත්‍රවාදය වළ දමන්නෝය. ‘එකම වර්ගයේ කුරුල්ලන් එක අත්තේ වසති‘ යන පිරුළෙහි දේශපාලන අර්ථය මෙයයි. දේශයෙන්, වර්ණයෙන්, ප්‍රමාණයෙන් වෙනස් වුවද ගෝලීය දේශපාලන අවකාශයේ සැරිසරණ ඒකාධිපති කුරුල්ලන් එක අත්තේ වහමින් තම වසුරු අහිංසක ප්‍රජාවගේ හිස මත පතිත කරති. යුක්රේනයේ සිදුවූයේ එයයි. අද ලංකාවේ කෙරෙන්නේද එයයි. භාවාත්මක සහ අවස්ථාවාදී සිල්ලර දේශපාලනයේ යෙදෙන්නවුනට නොතේරෙන්නේද ඒකාධිපතීන්ගේ් වසුරු කන්දරාවක් තමන්ගේ හිස මත තමන් දරා සිටින බවය.

යානු කළා මෙන් මැතිවරණ නිතිරීති අමු අමුවේ උල්ලංඝනය කරමින් සහ  නූතන (දේශපාලන) වෙස්සන්තර කෙනෙකු වෙමින් මහජන මුදල් කෝටි ගණනින් තම මැතිවරණ ව්‍යාපාරයට දිනපතා යොදවමින් ප්‍රජාතන්ත්‍රවාදය කෙළසනුයේ වෙනත් තැනකදී නොව 2015 ඊනියා ප්‍රජාතන්ත්‍රවාදී මැතිවරණ ව්‍යාපාරයේ සංකේතමය තිඹිරිගෙය වන තම නිල-නිවාසය වූ අරලියගහ මන්දීරයේදීමය. කෙලෙසෙනුයේ ශ්‍රී ලංකාවේ ප්‍රජාතන්ත්‍රවාදයේ ‘මුරදේවතාවා‘ විසින්මය. රට උගසට තබා ගොඩනගන ලද විකෘති ආර්ථීක සංවර්ධනය ප්‍රජාතන්ත්‍රවාදී වාග්මාලාවක දවටා ඉදිරිපත්කරනවාට අතිරේකව වෙනත් සියලූ භෞතික අල්ලසක්ම මෙහිදී පිදේ.

දිනකට තෝරාගත් 5000 ක ජන සේනාවකට ආහාර දාන, විවිධ ප්‍රසාද සහ ප්‍රදාන පිිරිනැමේ. පසුගිය සති දෙකට ලක්ෂයකට පමණ ආසන්න ප්‍රමානයක් ජනාධිපතිගේ වෑහෙන ‘කරුණාවින්‘ නෑවිණ. මෙය මැතිවරණයට ඉදිරිපත් වෙන කිසිම අපේක්ෂකයෙකුට නොලැඛෙන බව දැන දැනම ප්‍රජාතන්ත්‍රවරෝධීව එම වරප්‍රසාදය නාම යෝජනා බාරදීමට පෙර උපරිමයෙන් පාවිච්චි කිරීම කුමන නම් සදාචාරයක්ද? ඇරත් තමාගේ අරමුණ රටේ ජනතාවගේ බදු මුදලින් සපුරා ගැනීම මොනතරම් මානව විරෝධීද? මෙවැන්නෙකුට තවත් වසර 8 කට (ඉතිරි 2 යි නිල අයිතියෙන් 6 ) රට බාරදිය හැකිද? වසර 8 අවසානයේ රට කොහේද? මහින්ද කොහේද? අප කොහේද?

මෙවැනි යානුකොවිච්ලාගෙන් ශ්‍රී ලංකාව බේරාගැනීමට තවම අප්‍රමාද නැත. මේ සඳහා අවස්ථාවක් ජනවාරි 8 වෙනිදින රටේ ජනතාවට ලැබේ. මෙදිනට අපගේ දෑතින් මේ කුරුල්ලා ගිලිහී ගියහොත් ඌ නැවත පොළොවට පාත්වනුයේ දැවැන්ත, යෝධ, උකුස්සෙකු හෝ රාජාලියෙකු ලෙස ජනතාවට ‘කෙටීමටය‘. එහෙයින් ජනවාරි 08 වෙනි දින ඒකාධිපතිවාදයට එරෙහිව ඔබගේ ජන්දය පාවිච්චිකිරීම ඔබගේ පරම යුතුකමය

මෛත්‍රීගේ සම්පූර්ණ ප්‍රතිපත්ති ප්‍රකාශය

Posted by Sri Lanka Guardian | | Posted in , ,

| මෛත්‍රීපාල සිරිසේන 

පළමුව ඔබ සැමට මෛතී‍්‍රය රජයන සමාජයක් හෙට දිනයේ උදා වේවායි ප‍්‍රාර්ථනා කරමි. ශී‍්‍ර ලංකා නිදහස් පක්ෂයේ මහ ලේකම් ලෙස මා දැරූ වගකිවයුතු ඇමති ධුර හා මා ඉදිරියේ පෙන්වනු ලැබූ අගමැති ධුරය ආදී සියල්ල පසෙක ලා මාගේ සහ මගේ පවුලේ සාමාජිකයන්ගේ ජීවිත අවදානම ද නොතකා, එළැඹෙන ජනාධිපතිවරණයට ඉදිරිපත් වූයේ මගේ උදාර මව්බිමටත්, සමස්ත ජනතාවටත් අත්ව ඇති ඛේදජනක ඉරණමින් ඔවුන් ගලවා ගනු පිණිසය.

එහි දී, මාගේ අපේක්ෂකත්වය වෙනුවෙන් කැප වූ, දේශමාමක, සදාචාරවත් සමාජයක් පතන සියලූ බෞද්ධ භික්ෂූන් වහන්සේලාටත්, ශීලාචාර සමාජයක් වෙනුවෙන් කැප වූ හින්දු, ඉස්ලාම්, කිතුණු පූජකතුමන්ලා සහ ආගමික නායකයින්ටත් මගේ නමස්කාර පූර්වක ගෞරවය පිරිනමමි. එමෙන්ම, සිය පක්ෂ, ලාංඡුන, පාට අමතක කර එකම ජාතික කර්තව්‍යයක් වෙනුවෙන් එක් වූ විපක්ෂ නායකතුමා ඇතුළු සියලූ පක්ෂවල නායක කාරකාදීන්ට හා පක්ෂ සාමාජිකයන්ට මාගේ ගෞරවණීය ප‍්‍රණාමය පිරිනමමි. තවද, ශී‍්‍ර ලංකා නිදහස් පක්ෂය පවුල්කාමයෙන් ගලවා ගැනීම සඳහා මා සමඟ එක්වූ සහෘදයින් සියලූ දෙනාට ද මගේ ප‍්‍රණාමය පිරිනමමි.

සිය ජීවිතය මේ රටේ දුක් විඳින ගොවි, කම්කරු, ධීවර ජනයාගේ සුබසෙත වෙනුවෙන් ද නීති, වෛද්‍ය, ඉංජිනේරු, ගණකාධිකාරී ආදී වෘත්තීය ප‍්‍රජාවගේ අභිලාෂයන් වෙනුවෙන් ද කාන්තාවන්, දරුවන්, වැඩිහිටියන් හා විශේෂ අවශ්‍යතා ඇත්තන් වෙනුවෙන් ද මතු පරපුර වෙනුවෙන් ද පරිසරය සුරැුකීම වෙනුවෙන් ද කැප වූ සියලූ සමාජ කි‍්‍රයාකාරීන් හා ස්වේච්ඡුා සංවිධාන මා වෙත පළ කළ සහෝදරත්වයේ දෑත පිළිබඳ මගේ මිත‍්‍රශීලී සුහදතාව ද දක්වා සිටින්නෙමි.

සම්පූර්ණ ප්‍රතිපත්ති ප්‍රකාශය පහතින් කියවන්න;


ඡන්ද නිසා රූපවාහිනිය බංකොලොත්

Posted by Sri Lanka Guardian | | Posted in , ,

මූල්‍ය අර්බුදය ඉතා ඉහළ මට්ටමකට පත්වී ශ්‍රී ලංකා රූපවාහිනී සංස්ථාව බංකොලොත් වීමේ අනතුරක් ඇති බව එහි අභ්‍යන්තර ආරංචිමාර්ග වලින් වාර්තා වේ.

මේ වනවිට වෙළඳ අනුග්‍රාහකයින්ගෙන් ඔවුන්ගේ නියෝජිතයන් මගින් ලබන අප්‍රේල් මාසය දක්වා අත්තිකාරම් ලබා ගෙන ඇති බව ද අනාවරණය වේ.

රූපවාහිනී සංස්ථාවට වැඩිම දැන්වීම් ආදායම් ලැබෙනුයේ දෙසැම්බර් මස උත්සව සමයේ සහ අප්‍රේල් උත්සව සමයේදී වුවත්, මෙම උත්සව සමයේදී විශාල වශයෙන් ආදායම් බිඳවැටී ඇත.

මහින්ද රාජපක්ෂ මහතා වෙනුවෙන් කරගෙන යනු ලබන නීති විරෝධී අසීමිත ප්‍රචාරණය නිසා නව ආදායම් මාර්ග සියල්ල මේ උත්සව සමයේ ඇණ හිට ඇති බවත් පෞද්ගලික රූපවාහිනී නාලිකා වෙත එම ආදායම් ගලා යන බවත් ඉහත ආරංචිමාර්ග වලින් වැඩිදුරටත් අනාවරණය වේ.

වර්ෂ අවසාන බෝනස් ලබා දීම පවා මේ වනවිට සිදු කර නැත. සාමාන්‍යයෙන් දෙසැම්බර් 10 සහ 20 අතරතුර බෝනස් මුදල් ලබා දීම සිදු කරයි. සේවක වැටුප් ගෙවා ගැනීමද බැංකු අයිරාවකින් කරගෙන යන තත්වයට එය බංකොලොත් වී තිබේ.

මේ සම්බන්ධයෙන් 'ශ්‍රී ලංකා මිරර්' කල විමසීමකදී රුපවාහිනි සංස්ථාවේ අධ්‍යක්ෂ ජනරාල් චන්ද්‍රපාල ලියනගේ මහතා ඉහත චෝදනා තරයේ ප්‍රතික්ෂේප කරමින් කියා සිටියේ ලබන සඳුදා සියලු සේවකයින්ට බෝනස් ලබාදෙන බවයි.

රුපවාහිනි සංස්ථාවට අලුතින් රුපියල් මිලියන 150කට වැඩි ඉංජිනේරු උපකරණ මිලදී ගැනීමට සිදුවීම නිසා තාවකාලික මුල්‍ය අර්බුදයක් මතුවූ බවද ඔහු සඳහන් කළේය.

OUR POPULAR STORIES

Powered by Blogger.