Headlines

රාජපක්ෂට පිස්සු හැදුවේ දෙවිවරුද?

Posted by Sri Lanka Guardian | Tuesday, November 25, 2014 | Posted in , , ,

රටේ නායකයා අමුලික බොරුකාරයෙක් සහ දුෂ්ඨයෙක් බවත්, හැපින්නක මෙන් පන්නා පන්නා  දෂ්ඨ කරන්නකු බවත් සිදුකරමින් සිටින සෑම කටයුත්තකින්ම පෙනේ. මෙවැනි නායකයෙක් මෙන්ම වරිගයක් අපේ මාතෘ භූමියට කිසිසේත්ම අවශ්‍ය නොවේ. සැබවින්ම ඔහු සැබෑ නායකයෙකු නම් කළ යුතුව තිබුණේ එම පත්වීම් සියල්ලම එලෙසම ක්‍රියාත්මක වීමට ඉඩදීම සහ එමඟින් ලකුණු දා ගැනීමය. නමුත් රාජපක්ෂ ජනාධිපතිවරයාට එවැනි තීරණයක් ගැනීමට තරම් සන්සුන්බවක් සහ ප්‍රඥාවක් නැත. ඔහු දැන් පාලනය වන්නේ වෛරයෙන් සහ තරහයෙනි.
| නිලන්ත ඉලංගමුව

පුරාතණ ග්‍රීක ආගම්වලට අනුව සීයුස් යනු දෙවිවරු සහ පිරිමින්ගේ පියාය. සීයුස්ගේ උපදෙස් මත ග්‍රීක ප්‍රවාදවල සඳහන් දෙවියෙකු වන හෙපීස්ටුස් සහා ප්‍රඥාවට අධිපතිනි යැයි සැලකෙන දෙවඟනක වන ඇතිනා විසින් ලෝකයේ පළමු මනුෂ්‍ය ස්ත්‍රීය නිර්මාණය කළේ යැයි විශවාස කෙරේ. එසේ නිර්මාණය කරනු ලැබූ පළමු මනුෂ්‍ය ස්ත්‍රීය පැන්ඩොරා නම් වූවාය. පැන්ඩොරා වස්තු බීජය ගනිමින් ඇති මිත්‍යා කථාව දේවයුක්තිවාදයක් වන අතර  එමඟින් ලෝකයේ නපුරු සහ දුෂ්ඨ දෑ ඇත්තේ මන්දැයි යන ගැටලුවට ප්‍රතිචාර දැක්වීමට උත්සහ දරා ඇත.

පැන්ඩොරා  සම්බන්ධයෙන් ග්‍රීක ප්‍රවාදවල එන ටයිටන්වරුන් දෙදෙනෙකු වන ප්‍රෝමෙතියුස් සහ එමිමෙතියුස් ( ඔවුන් දෙදෙනා සහෝදරයින් ලෙසද හැඳින්වේ.) අතර වන සංවාදයක් ඇමෙරිකාවේ ජීවත් වූ ප්‍රකට සාහිත්‍යධරයකු වන හෙන්රි ලෝන්ග්ෆෙලොව් වඩාත් අලංකාර ලෙස කාව්‍යට පෙරලා ඇත. ඔහු, “පැන්ඩොරාගේ වෙස්මුහුණ” නමින් පලකළ ප්‍රකට කාව්‍ය සංග්‍රහයේ මෙය සවිස්තර කොට ඇත. 

පැන්ඩොරා යනු තමන්ට දෙවිවරුන්ගේ ආශීර්වාදය නිසා ලැබූ ත්‍යාගයක් ලෙස විස්වාශ කරන එමිමෙතියුස් වඩාත් සන්තෝෂ වන්නේය. නමුත් එහි ඇති සැබෑ විනාශය ගැන අවබෝධ කරගන්නා ප්‍රෝමෙතියුස් තම සහෝදරයාට අවවාද කරන්නේය. ප්‍රෝමෙතියුස් එහිදී එමිමෙතියුස්ට ප්‍රතිචාර දක්වමින්, “දෙවිවරුන්ට කෙනෙක් විනාශ කිරීමට ඕනෑ වූ විට පළමුව ඔහුට පිස්සු වට්ටන්නේය,” යැයි කිව්වේය.

ශ්‍රී ලංකාවේ ජනාධිපතිවරයාද  ප්‍රෝමෙතියුස් විස්තර කරන අයෙකුගේ තත්වයට පත් වී ඇති සැටියෙකි. ජනාධිපති රාජපක්ෂ කියන කතා වලින් එය ඉතා පැහැදිළිව නීරීක්ෂණය කළ හැකි අතර අවාසනාවට ඔහුට ඔහු මුහුණදී සිටින කණගාටුදායක තත්වය තේරුම්කරදීම සඳහා, ප්‍රෝමෙතියුස් කෙනෙකු අහලකවත් නැත.  හොරුන් ලංකර ගැනීමේ පාපය මෙන්ම වන්දිය මෙයයි.

ඔහු මෑතකදී සඳහන් කළ පරිදි  ඔහු වටා සිටින සියලුම දෙනා  ඔහු රඳවාගෙන ඇත්තේ ප්‍රාණ ඇපයටය. ඔහු සතු අනෙකාගේ ලිපිගොනුවේ ( ෆයිල්) ප්‍රමාණය අනුව ඔහුගේ හෝ ඇයගේ “වහල්සේවය” දීර්ඝ වේ. ඔවුහු, රටට හෙණ වැදුණත් රාජපක්ෂ සමඟ සිටිමින් තවත් යමක් හොරකම් කොට හෝ හොරකම් කළ දෑ රැක ගැනීම හැරෙන්නට මෙම උදාවී ඇති අමිල අවස්ථාව ප්‍රයෝජනයට ගනිමින් රටේ සැබෑ විමුක්තිය තහවුරු කර ගැනීමට හීනෙන්වත් සිතෙන්නේ නැති සැටියෙකි. වංචාවේ ස්වභාවය එයයි.

රාජපක්ෂ, පත් වී ඇති තත්වය හමුවේ කළ හැකි ඕනෑම විනාශයක් කොට තම බලය රැකගැනීම සඳහා හෙතම පෙළඹී සිටීම සහ ඊට අවශ්‍ය උපායන් සෙවීම පුදුමයක් නොවේ. හදි හූනියම් සහ අනෙකාගේ ග්‍රහ අපල ගැන පත්තර වල පිටු ගණන් පුරවමින් රාජපක්ෂ මේ අරඅදිමින් සිටින්නේ රට තවදුරටත් අපකීර්තියේ සංකේතයක් බවට පත් කිරීමටය. මුඩු ගොඩබිමක් කිරීමටය.

මෙම තත්වය වඩාත් හොඳින් තේරුම් ගත යුතුව ඇත. අනෙකාගේ ග්‍රහයා නීච වී ඇති බවත් ඔහුට හෝ ඇයට රාජ යෝගයක් නැති බවත් සඳහන් කරමින්, ග්‍රෝත්‍ර යුගයේ කතාන්තර ගෙතීම හැරෙන්නේට රාජපක්ෂ වරිගයට සහ ඊට උල්පන්දම් දෙන අයවලුන්ට වෙන විකල්පයක් නැත. ඔවුහු සියල්ලගේම පස්ස රත්වී ඇති සැටියෙකි.

මෙහිදී ඉතා පැහැදිලි කරුණ වනාහී රාජපක්ෂ ඇතුළු ඔහුගේ වරිගය මෙම රටේ නීතිය සහ සදාචාරය කාබාසිනියා කරමින්, රටේ කරගෙන යන ගෝත්‍ර-කල්ලිවාදී දේශපාලනය හමුවේ අපේ මාතෘභූමියේ වෙසෙන මිලියන දෙකකට ආසන්න ජනගහනයේ පමණක් නොව ඇසට පෙනෙන මෙන්ම නොපෙනන සියලු සතුන්ගේ පවා ග්‍රහයන් නීච වී ඇත. මෙම මුලාව තේරුම් ගෙන, තව දුරටත් මිත්‍යාදුෂ්ඨිකයින්ගේ ගොඩබිමක් බවට අපි පත්වන්නේද යන්න, අපි විසින්ම තේරුම් ගත යුතුව ඇත.

රාජපක්ෂ විසින් මෙම ගොඩ නගා ඇති සමාජ ක්‍රමය ගොඩා නගා ඇත්තේ ඔහුට සහ ඔහුගේ අතවැසි පිරිසට රිසි ලෙස අපේ මාතෘභූමිය කෙළසීම සඳහාය. මෙය තවදුරටත් පැවතීම වූ කලී රට තවදුරටත් අගෞරවයට පාත්‍රවීමකි. මෙය අසමත් පාලනයකි. මින් ගොඩ ආ යුතු අතර ඒ සඳහා වූ මාර්ගය ඉතා පටු සහ තීරණාත්මක එකකි. එහි බාධක එමට තිබේ. පළමු බාධකය වූ කලී මිත්‍යා දුෂ්ඨිකයින් තම පැවැත්ම සඳහා රටේ පැළපදියම් කොට ඇති මිත්‍යාවයි. දෙවැන්න රාජපක්ෂ කියන බොරු වල ඇති ගැඹුර තේරුම් ගැනීමයි. එය ඔහුට සවන්දීමෙන් සහ ඔහුගේ මුහුණ දෙස බලා සිටීමෙන් කළ හැකි ඉතා සරල කටයුත්තකි.

තමන් අනෙකාගෙන් පළිනොගන්නා බව කියා පැය කිහිපයක් යෑමට ප්‍රථම ජනාධිපති මහින්ද රාජපක්ෂ, ශ්‍රී ලංකා නිදහස් පක්ෂයේ මහ ලේකම් මෙන්ම ආණ්ඩුවේ සෞඛ්‍ය ඇමති වශයෙන් කටයුතු කළ මෛත්‍රීපාල සිරිසේන මහතා ලබාදුන් පත්වීම් දහසකට අධික සංඛ්‍යාවක් අවලංගු කරනු ලැබීය.

රටේ නායකයා අමුලික බොරුකාරයෙක් සහ දුෂ්ඨයෙක් බවත්, හැපින්නක මෙන් පන්නා පන්නා  දෂ්ඨ කරන්නකු බවත් සිදුකරමින් සිටින සෑම කටයුත්තකින්ම පෙනේ. මෙවැනි නායකයෙක් මෙන්ම වරිගයක් අපේ මාතෘ භූමියට කිසිසේත්ම අවශ්‍ය නොවේ. සැබවින්ම ඔහු සැබෑ නායකයෙකු නම් කළ යුතුව තිබුණේ එම පත්වීම් සියල්ලම එලෙසම ක්‍රියාත්මක වීමට ඉඩදීම සහ එමඟින් ලකුණු දා ගැනීමය. නමුත් රාජපක්ෂ ජනාධිපතිවරයාට එවැනි තීරණයක් ගැනීමට තරම් සන්සුන්බවක් සහ ප්‍රඥාවක් නැත. ඔහු දැන් පාලනය වන්නේ වෛරයෙන් සහ තරහයෙනි.

මින් ගැලවෙන්නේ කෙසේද? මෙය අතිශය සංකීරණ මෙන්ම බැරෑරුම් කර්තවයක් ලෙස මතුපිටින් පෙනුණද එය මනා අවබෝධයෙන් සහ පරෙස්සමින් කළහැකි කාරණයක් වේ. ඒ සඳහා අවශ්‍ය වැදගත්ම සහ අත්‍යවශ්‍යම වටපිටාව සකස් වී තිබේ. රාජපක්ෂ පැරදුණු පසුද ඔහු ආරක්‍ෂා කරගන්නා බව, විපක්ෂනායකවරයා ඉදිරිපත් කළ අදහස අතිශය වැදගත් වේ. සැබවින්ම සිදුවිය යුත්තේ එයයි. 

නමුත් ජනාධිපති රාජපක්ෂගේ දේශපාලනය මීට සම්පූර්ණයෙන්ම වෙනස් වූ දිය රකුස් පාලනයකි. ඔහු අනෙකාට පහරදීම සහ ශාප කිරීම හැර වෙනත් කාලෝචිත දේශාපාලන වටිනාකමක් ඇති කතාවක් පවා කිමට අසමත්ය.

අනෙක් අතින්, මෛත්‍රීපාල සිරිසේන මහතා ගැන ආණ්ඩුවේ පුවත්පත් ඇතුළු සියලුම මාධ්‍යට පහර ගැසීමේ වුවමනාවක් තිබුණද, ඒ සඳහා සොයාගත හැකි කාරණයක් නැත. ඔහුට පහරදීම සඳහා අලුතෙන් කරුණු සොයාගත යුතුව ඇත. මෙය හාස්‍ය ජනක වන්නා සේම ඛේදනීයය.

මෙහි ඇති හාස්‍යජනක තත්වය වූ කලී, රාජපක්‍ෂගේ වරිගය සහ ඔහු වටා සිටින අයවලුන්, විපක්ෂිකයාගේ ශක්තිය හීන කිරීම සඳහා සිදුකරන සෑම විවේචනයක්ම රාජපක්ෂ හමුවේද වලංගු වීමය. ඔහුට කොටි සංවිධානය ගැන කීමට නොහැකිය. මන්ද කොටි සංවිධානය සමඟ අදහාගත නොහැකි මට්ටමේ ගනුදෙනු ඔහුට ඇත. කේ. පී. සමඟ මදුසමය ගතකරමින් ජයකුමාරි හිරේ දමා ඇය කොටිදෙනක් යැයි කීම මඟින්, කතාවේ හාස්‍යයේ ඇති ගැඹුර අවබෝධකර ගත හැකිය.  

මෙහි ඇති ඛේදනීය තත්වය වන්නේ තවදුරටත් මෙවැනි බොරු මඟින් රටේ ජනතාවගේ කාලය, මුදල් සේම ඔවුන්ගේ ඔළුගෙඩි නරක් කිරීමට ජනාධිපතිවරයා ඇතුළු ඔහුට හිතවත් මාධ්‍ය යොමු වීමයි. අඩුතරමින් තම ජීවිතය ගැන හෝ හැඟීමක් තිබේනම් මෙවැනි බොරුවලින් මාතෘභූමිය රැවටිය හැකිද?

චීනයේ විසු අග්‍රගණය කතුවරයෙකු වන ලු සුන්, තම වෛද්‍ය අධ්‍යාපනය අතහැර දමා, ලිවීමට පටන් ගත්තේය. එකල චීනය වූ කලී වර්තමානයට සාපේක්ෂව දූෂණයේ සහ භීතියේ ගොඩබිමක් විය. ඔහු එහිදී සටහන් කළ කාරණයක් වූයේ, තම රටේ මිනිසුන්ගේ මතුපිට ලෙඩ සුව කිරීමට වඩා මානිසික රෝග සුවපත් කිරීම වැදගත් බවයි. එවිට මෙම රෝගී සමාජය, ක්‍රමිකව නිරෝගීවන බවත්, පාලකයාගේ රැවටිලිවලට හසු නොවන බවත් හෙතම සඳහන් කළේය. ලු සුන් නූතන චීන සාහිත්‍යයේ පියා ලෙස සැලකෙන්නේ, ඔහු විසින් සිදු කළ ජීවමාන දායාදය මඟිනි.

ශ්‍රී ලංකාව පැමිණ සිටින්නේද එවැනි තීරණාත්මක කඩ ඉමකටය. මෛත්‍රීපාල යනු එක් පුදගලයෙක් පමණි. සත්‍ය දැක දැක ඊට එරෙහිවීමට නොහැකිව හිතින් වද විඳිමින් කෙසේ හෝ අවසන් මොහොතේදී තම ආත්මගරුත්වය සලකා රාජපක්ෂගෙන් ඉවත් වූ අයෙකි.

ඔහුට රටේ ඇති වී ඇති විකෘතිය, තනිව නිවැරදි කළ නොහැකිය. මන්ද එය එපමණකට සංකීරණ එකකි. හොඳම උදාහරණය ඔහු ලබාදුන් පත්වීම් වලට පත්වූ ඉරණමය. එබැවින් මෙම විකෘතිය නැති කිරීම සඳහා සෑම අයෙකුගේම සහය අවශ්‍ය වේ.

තමන්ගේ පිස්සුව ස්ව-කැමැත්තෙන් හෝ තමන් තේරුම් ගෙන ප්‍රතිකාර ලබාගන්නේනම්, ජනාධිපති රාජපක්ෂද, අනිවාර්යෙන්ම සහය දෙනු ඇත්තේ මෛත්‍රීටය. නමුත් රාජපක්ෂ අත්වී ඇති ඉරණම, දෙවියන්ගේ මෙහෙයුමක්ද? දෙවියන් කෙසේ එය සැලසුම් කර තිබෙන්නේද යන්න? හෙතුඵලවාදය සහ මැදුම් පිළිවෙත සැබෑ නිදහසේ මාවත යැයි පිළිගන්නා  බෞද්ධයෙකු වන මට කිව නොහැකිය.

අවසන් විග්‍රහයේදී, රාජපක්ෂගේ, පැන්ඩොරා යනු වෙන කවුරුත් නොව, 18 වන ව්‍යවස්ථා සංශෝධනය සහ විධායක බලතලයි.  එය දෙවිවරුනුත් අවබෝධ කරගෙන ඇති සැටියෙකි.

බැසිල් රාජපක්ෂ එල්ටීටීඊයට කෝටී 20,000 ක් සල්ලි දුන්නා

Posted by Sri Lanka Guardian | | Posted in , , ,

තීරනාත්මක ජනාධිපතිවරණයක් පැවති 2005 වසරේදී බැසිල් රාජපක්ෂ මහතා මැදිහත් වී හොර රහසේ එල්ටීටීඊ සංවිධානයට රපියල් කෝටි විසිදහසක් (රු. කෝටි 20,000) ලබා දුන් බව එක්සත් ජනතා නිදහස් සන්ධානයේ මන්ත්‍රී ශ්‍රීපති සූරියආරච්චි මහතා පාර්ලිමේන්තුවේදී හෙළිදරුව් කළේය.

එම වීඩියෝව පහතින් පළ වේ

දැරියන් 29 ක් ඝාතනය කරන මහා බිලී පූජාවක් ! අම්මේ තාත්තේ ඔබේ දැරුවා ‍රැකගන්න

Posted by Sri Lanka Guardian | | Posted in , , ,

උපුටා ගැනීම: ද ඉන් ඩිපෙන්ඩන්ට් ලංකා

ඒකාධිපති වියරුවෙන් මනස විකෘති වි තමන් අතින් ගිලිහෙන බලය හා කොල්ලකා ගත් අතිමහත් මහජන දේපල අහිමිවීමේ බියෙන් මනස විකෘතිව සිටින ඒකාධිපති රාජපක්ෂ රෙජිමය මහා බිලී පූජාවක් පවත්වා බලය ‍රැක ගැනීමේ තකතීරූ උත්සාහයක යෙදෙන බව ඉන්ඩෙපෙන්ඩෙන්ට් වෙත අනාවරණය වේ.
මේ සම්බන්ධයෙන් තහවුරු කළ ආරංචි මාර්ග අනුව මෙය වයස අවුරුදු 9 යේ අහිංසක කුඩා දැරියන් 29 ක් බිලි දෙන මහා බිලි පූජාවකි. සෑම පළාතක්ම නියෝජනය වන පරිදි දරුවන් පැහැර ගැනීම හෙට සිට ක‍්‍රියාත්මක කිරීමට සැළසුම් කර තිබේ. මෙය ඉන්දියාවේ ගුරුකම් ශ්‍රාස්ත්‍රකරුවකුගේ උපදෙස් මත සිදු කෙරෙන අතර මේ කටයුත්තට මැදිහත්ව සිටින්නේ එල්ටීටීඊ සංවිධානයෙන් ආණ්ඩුවට එකතු කරගත් ප්‍රබලයන් දෙදෙනෙකි.

දකුණු ඉන්දියාවේ අති බලැති මලයාලම් ගුරුකම් පිලිබද විශේෂඥ කණ්ඩායමක් මේ වන විටත් ලංකාවට ගෙන්වා තිබේ .දැනට ලැබුන ආරංචි මාර්ග අනුව උතුරු ප‍්‍රදේශයේ විශේෂ මැදුරක මෙම යාගය පැවැත්වීමට සැලසුම් කර ඇත.

ජෝතිෂ්‍ය හා ගුරුකම් ගැන අති මහත් විස්වාසයක් තබා සිටින මේ ඒකාධිපතියන් තම බලය අවසන් මොහොතේ රැක ගැනීමට කළ හැකි සෑම දෙයක් ම කරනු ඇත. බිලියන් ගනනක එල්ටීටීඊ සල්ලි සහ රත්තරන් ටොන් ගනනින් තමන් අතට පත් කරගත් බොරු දේශපේ‍්‍රමීන් බලය රැක ගැනීම වෙනුවෙන් ඕනෑම පහත් ක‍්‍රියාවකට පෙළඹීම ගැන පුදුම වන්නට දෙයක් නැත.

නිශ්චිත වශයෙන්ම ජනවාරී 08 වන දින ජෝතිෂයවේදීන්ගේ උපදෙස් මත ජනාධිපතිවරණය පැවැත්වෙන බව මුල් වරට හෙළිදරව් කළේ අප විසින් වන අතර එම තොරතුරු මුලාශ්‍රය විසින්ම මෙම තොරතුරු අප වෙත ලැබිමට සැලැස්වීය..

වල්ගා තරුවක් මත ගොඩ බැසීම: අභ්‍යවකාශ ගවේෂනයේ නව සන්ධිස්ථානයක්

Posted by Sri Lanka Guardian | | Posted in ,

බ‍්‍රයන් ඩයන්

මෙම සතියේ, පෘතුවියේ සිට කිලෝ මීටර් බිලියනයකින් අඩක් දුර පිහිටි කුඩා, පාෂානමය ආකාශ වස්තුවක් වන 67පී/ චූර්යුමෝව් - ජෙරසිමෙන්කෝ නම් වල්ගා තරුව මත යන්ත‍්‍රය (Philae lander ) සාර්ථක ලෙස ගොඩ බැසීමේ ප‍්‍රවෘත්තිය ලෝකය වටා මිලියන ගනනක් මිනිස්සු උද්යෝගයෙන් යුතුව පිලිගත්තෝ ය. විද්‍යාඥයින්ට පලමු වරට වල්ගා තරුවක් එහිදී ම විශ්ලේෂනය කිරීමට හැකියාව ඇති කිරීම සමග නව සන්ධිස්ථානයකි.

පැය හැටක මෙහෙයුම් කාලය තුල ෆිල යානයේ උපකරන නවය, වල්ගා තරුව ගැන තොරතුරු එකතු කලේ ය. ඒවා සෞරග‍්‍රහමන්ඩලයේ ඉතිහාසය පිලිබඳ ව දීර්ග කාලයක් තිස්සේ පැවතෙන ප‍්‍රශ්නවලට සහාය වනු ඇත. විශේෂයෙන් ම විද්‍යාඥයින් බලාපොරොත්තු වන්නේ, පෘතුවිය මත ජලය හා ඓන්ද‍්‍රීය සංයුතීන්ගේ ආරම්භක මූලාශ‍්‍රය වල්ගා තරු ය යන න්‍යාය තුලට සියුම් දැක්මක් සපයනු ඇති බව යි. බලශක්ති ඌනතාවය නිසා ගොඩබට යන්ත‍්‍රය අක‍්‍රීයවූ නමුත් එය පෘතුවියට පරාවර්තනය කල ප‍්‍රතිඵල වල්ගා තරුවේ සංයුතිය තුලට මේ වන විටත් සියුම් අභිනිවේශයක් විහිදුවමින් තිබේ.

පැන පැන යන කුඩා යානය, සිකුරාදා සිය දිශානතිය වෙනස් කරමින් සිදුකල ආරම්භය, ඉක්මනින්ම යලි ක‍්‍රියාක්මක වීමට අවශ්‍ය බලය එකතු කර ගැනීමට පරීක්ෂකයට ඉඩ ලබා දෙනු ඇත. කලක දී එහි ගවේෂන කටයුතු දිගට ම කර ගෙන යාමට ඉඩ සලසමින්, ඉදිරි දින හා මාසවල දී එය නිසොල්මනේ බලශක්තිය එකතු කර ගැනීම සිදුවනු ඇත. එහි ගමනාන්තය දක්වා ෆිල යන්ත‍්‍රය ගෙන ගිය රොසෙටා අභ්‍යවකාශ යානය එහි නැවතුමෙහි රැඳෙනු ඇති අතර අඩු වශයෙන් ලබන වසර පුරා වල්ගා තරුව නියාමනය කරනු ඇත. එය හිරු වෙත සමීප වන විට එහි විශාල කොටසක් හැලී යාමට පටන් ගනු ඇත.

ලාභ මූලධර්මය පිලිබඳ මහිමය ගැන කල්පනා කරන අතොරක් නැති ඝෝෂාව මධ්‍යයේ යමෙකු අවධාරනය කල යුත්තේ, දශකයකට පෙර දියත් කරන ලද රොසෙටා ව්‍යායාමය දිරිමත් කලේ, එක් හෝ තවත් යෝධ සංගතයක පුද්ගලික වාසි මගින් නො ව, ලෝකය පුරා විද්‍යාඥයින් දහස් ගනනකගේ සාමූහික බුද්ධිමය සමෝධානයෙනි.

මතුපිට හා වල්ගා තරුවේ සූක්ෂම ද්‍රව්‍යවලින් වාෂ්පීකරනය වන ගෑස් නියදි ගැනීමේ හැකියාව යන්ත‍්‍රයට ලබාදීම පිනිස සැලැසුම් කර, සකසන ලද උපකරන කට්ටලය රටවල් රැසක විද්‍යාඥයින්ගේ සාමුහික ප‍්‍රයත්නයකි. යන්ත‍්‍රයේ කලමනාකරනයට නායකත්වය දුන්නේ, ජර්මනියේ විද්‍යාඥයින්ය. ඒ අතර ඕස්ටි‍්‍රයාව, පින්ලන්තය, ප‍්‍රන්සය, හංගේරියාව, අයර්ලන්තය, ඉතාලිය හා එක්සත් රාජධානියේ ප‍්‍රවීනයන් අයත්වන කන්ඩායමක් ද ඊට සම්බන්ධ විය.

කෙසේ නමුත් ආන්ඩු විසින් පනවනු ලබන වඩා “වැදගත්” ප‍්‍රමුඛතා හමුවේ, විද්‍යාත්මක සොයා ගැනීම් අනවශ්‍ය ලෙස සීමා කිරීම් මගින් මෙහෙයුම මත සැලකිය යුතු බලපෑමක් ඇති කලේ ය. වල්ගා තරුවේ නියදි සමග පෘතුවියට ආපසු පැමිනිය හැකි යානාවක් සඳහා වූ මුල් සැලැසුම් ප‍්‍රතික්ෂේප කරන ලද්දේ අප‍්‍රමානවත් සම්පත් නිසා ය. මෙහෙවරේ මුදා හැරීමේ වාහනය සඳහා අඩු පිරිවැය විකල්ප හා විකිරනශීලී බලශක්ති මූලාශ‍්‍රය සඳහා ප‍්‍රචාලන පද්ධතිය සූරා දැමීම ද තෝරා ගන්නා ලද්දේ විද්‍යාත්මක කාරනාවලට වඩා වෙනස් ව මූල්‍ය කාරනා හේතු වෙනි. තව ද, විකිරනශීලී බලශක්ති මූලාශ‍්‍රයක් නැතිකම නිෂේධනීය ලෙස රොසෙටා මෙහෙවරට බල පෑ අතර අනාගතයේ දී ඒ හා සමාන ප‍්‍රයත්නයන්ගේ හැකියාව යටපත් කලේ ය.

එසේ නමුත්, ගොඩබැසීම ඉහලින් සාර්ථක බව සියලු ම වාර්තා මගින් සනාථ කර ඇති අතර එලඹෙන සති හා මාසවල දී ෆිල යන්ත‍්‍රයේ දීර්ග ගමනින් අපට ඉගෙන ගැනීමට බොහෝ අවස්ථා සැලසෙනු ඇත.

පසු ගිය මාසය අවසානයේ සතියක කෙටි කාල පරාසයක් තුල සිදු වූ අභ්‍යවකාශ විනාසයන් දෙක, ෆිල යන්ත‍්‍රයේ සාර්ථකත්වයට තියුනු ලෙස වෙනස්ය. පුද්ගලීකරනයේ හා අභ්‍යවකාශ ගවේෂනය පුද්ගලික ලාභයට යටකිරීමේ ප‍්‍රතිවිපාක මේ දෙකින්ම අවධාරනය කෙරේ. අභ්‍යවකාශ සංචාරය ආරම්භ කල වර්ජින් ගැලක්ටික් යානයේ අභ්‍යවකාශ යානා දෙකේ නියමු රොකට්ටුව ගුවන් ගමන අතරතුර දී පුපුරා ගියේය. එහිදී පරීක්ෂක ගුවන් නියමුවෙකු මරුමුවට පත් විය. තවත් සිදුවීමක් නම්, පෞද්ගලික අංශයේ ඔර්බිටල් සයන්ස් කොපරේෂන් ඇන්ටාරෙස් රොකට්ටුවක් ජාත්‍යන්තර අභ්‍යවකාශ නැවතුමට සැපයුම් මෙහෙවරක දී, දියත් කල වහා ම විනාසකාරි යාන්ත‍්‍රික දෝෂයකට මුහුන දුන්නේ ය.

මෙම අවස්ථා දෙකේ දී ම, ආරක්ෂාව හා ඉංජිනේරු ශිල්පයට ඉහලින් ලාභය ප‍්‍රමුඛත්වය ගත්තේ ය. අභ්‍යවකාශ දෙක යානය ගුවන්ගතව තිබුනේ සමාගමේ විද්‍යාඥයින් විසින් ප‍්‍රමානවත් ලෙස පරීක්ෂා කරන ලද බව සහතික නොකල, නව ඉන්ධන වර්ගයක් සහිතව වන අතර ඇන්ටාරෙස් යොදා ගෙන තිබුනේ අවුරුදු හතලිහක් පරන තරමක් නවීකරනය කල සෝවියට් ඇංජිමකි.

ලෝකය පාතාලයකට ඇද දැමීමේ තර්ජනය මතු කරන, පාලක පන්තිය යෙදී සිටින කුමන්ත‍්‍රනයේ විනාසකාරී මාවතට මුලුමනින් ම එරෙහිව විද්‍යාත්මක ජයග‍්‍රහන පැහැදිලි ලෙස නැගී සිටියි.

මෙම සති අන්තයේ දී, ජී20 නායකයින් ඕස්ටේ‍්‍රලියාවේ දී හමුවන්නේ ප‍්‍රධාන අධිරාජ්‍යවාදී බලයන්ගේ වඩ වඩා ආක‍්‍රමනකාරී යුද පෙලඹවීම් මගින් ප‍්‍රකෝප කරන ලද්දා වූ වැඩෙන භූදේශපාලනික අර්බුදයක් මධ්‍යයේ ය. යුකේ‍්‍රනයේ අර්බුදය නැවත වතාවක් එක්සත් ජනපදය හා යුරෝපය රුසියාව සමග ගැටුමට තල්ලු කර ඇත. ශාන්තිකර සාගර කලාපයේදී, චීනය මැඩීමට ඕස්ටේ‍්‍රලියාව, ජපානය හා තවත් රටවල් සමූහයක් එජ විසින් පෙල ගස්වනු ලබේ. මැද පෙරදිග දී, ඔබාමා පාලනාධිකාරය ඉරාකය හා සිරියාව තුල නව යුද්ධයක් දියත් කර, වේගයෙන් ව්‍යාප්ත කරමින් සිටී.

ජීවිත හානි හා විනාසය කටින මාධ්‍යයන්ට දැවන්ත මුදල් සම්භාරයක් කාබාසීනියා කෙරේ. රොසෙටා මෙහෙයුමට කැපකල ඩොලර් බිලියන 1.75 හා සසඳන විට, එජ පමනක් එරට මිලිටරි හා ඔත්තු සේවා සංවිධාන නඩත්තු කිරීමට වසරකට ඩොලර් ටි‍්‍රලියනයකට වඩා වියදම් කර යි. 2003 සිට 2011 දක්වා ඉරාක යුද්ධය සඳහා ඩොලර් ටි‍්‍රලියන 4ට වඩා මුදලක් වැය කර ඇති බව ගනන් බලා තිබේ..

මූල්‍ය කතිපයාධිකාරයට වෙන් කල මුදල්, කොටස් වෙලඳපොල පිම්බීමට හා සුපිරි පොහොසතුන්ගේ බඩ පුරවා ගැනීමට බැංකුවලට පුද කෙරුනු අප‍්‍රකාශිත ටි‍්‍රලියන ගනන් මුදල් ද ඇත. තව ද, ඔවුන් මනුෂ්‍යත්වය ආවෘත අන්තරයකට තල්ලු කිරීමත් සමග සෑම රටකම පාලක ප‍්‍රභූව, දේශපාලනික හා සාංකල්පික ආකාරයකින් පසුගාමී, විද්‍යා- විරෝධී හා ප‍්‍රතිගාමී සියල්ල යලි පන ගන්වමින් සිටිති.

වල්ගා තරුවට ගොඩ බැසීම වැනි විද්‍යාත්මක ජයග‍්‍රහන, පෘතුවි පරිශ‍්‍රය තුල මෙන් ම ඉන් පිටත ද ශ්‍රේෂ්ට කටයුතු පිලිබඳව මානව වර්ගයට හැකියාව ඇති බවට වැදගත් මතක් කර දීමකි. ප‍්‍රගතිශීලී හැමදෙයක ම ආරක්ෂකයා ලෙස මතු විය යුතු කම්කරු පන්තියේ ස්වාධීන දේශපාලන බලමුලු ගැන්වීම මත ඒවායේ සාක්ෂාත්කරනය රඳා පවතින හැකියාවන්ට ඒවා ඇඟිල්ල දිගු කර යි.

අප මුහුන දෙන මහා හා බලගතු අභියෝගයන් විසඳීමට අවහිර කරන්නේ කුමක් විසින් ද? එය මානව වර්ගයාගේ නිෂ්පාදන ධාරිතාව නො ව ධනවාදයේ සමාජ සංවිධානය යි. තාර්කික පදනම් මත පය ගසා ගත් සමාජයකට, වල්ගා තරුවක් මත ගොඩ බැසීමට යොදා ගත් විද්‍යාත්මක ක‍්‍රමවේදය පෘතුවිය මත ගැටලු, එනම් දරිද්‍රතාව, විරැකියාව, පාරිසරික ව්‍යසන, වසංගත, සාගින්න හා යුද්ධ විසඳීමට සාර්ථක ලෙස උපයෝගී කර ගත හැක.

වල්ගා තරුව මත ගොඩ බැසීම ගැන සලකා බැලීමේ දී, විශ්වයේ සුවිශාලත්වය අවලෝකනය කරමින් වරෙක මෙලෙස සඳහන් කල අභාවප‍්‍රාප්ත කාල් සගාන්, යමෙකුගේ සිහියට නැගෙනු ඇත: “ගනන් නැති ලෝක, අසංඛ්‍යවූ නිමේෂ, අවකාශයේ හා කාලයේ සුවිශාලත්වය, පසෙකින් අපගේ කුඩා ග‍්‍රහලෝකය, මෙම මොහොතේ දී අපි ඉතිහාසයේ තීරනාත්මක ලක්ෂ්‍යයකට මුහුන දී සිටිමු. අපගේ ලෝකය සමග අප කරන්නේ කුමක් ද, මෙතැන් සිට, අපි සියවස් ගනනාවක් හරහා ප‍්‍රචාරනය කරමින් අපගේ පැවත එන්නන්ගේ ඉරනම මත බලගතු ලෙස බලපාන්නෙමු. අපගේ ශිෂ්ඨාචාරය, සමහර විට එමෙන් ම අපගේ වර්ගයා විනාස කිරීමේ හැකියාව අපගේ ශක්තිය තුල හොඳින් ම පවතී...නමුත් ග‍්‍රහලෝකයේ සෑම වැසියෙකු ම සඳහා සෞභාග්‍යමත් හා අර්ථවත් ජීවිතයක් ඇති කිරීමට අපගේ දයානුකම්පාව හා බුද්ධිමත්භාවය, අපගේ තාක්ෂනය හා අපගේ සම්පත් යොදා ගැනීමට ද අප සමත් ය.”

1980 දී මෙම වචන පවසන ලද්දේ, එජ හා සෝවියට් සංගමය අතර සීතල යුද්ධය මධ්‍යයේ දී ය. වසර තිහකට පසු, ඒවා ඊටත් වඩා බලයකින් අදට අදාල වේ. හැකියාවන් දෙකක් අතර තේරීම - ශිෂ්ඨාචාරය විනාශ කිරීම හෝ විද්‍යාත්මක වර්ධනය හා සමාජ ප‍්‍රගතිය සඳහා කොන්දේසි ස්ථාපිත කිරීම රඳා පවතින්නේ, මානව සමාජය සඳහා නව පදනමක් නිර්මානය කිරීම මත ය. ධනවාදය පෙරලා දැමීම හා එය වෙනුවට සමාජවාදය ස්ථාපිත කිරීම මත ය. කෙටියෙන්, එය විප්ලවවාදී ප‍්‍රශ්නයකි.

රුසියාව හා චීනය ආර්ථික සහයෝගිතාවය පුලුල් කරයි

Posted by Sri Lanka Guardian | | Posted in , ,

ක්ලාරා වීස් විසිනි
යුරෝපය හා එක්සත් ජනපදය විසින් පනවනු ලැබූ සම්බාධක හමුවේ රුසියාව, මෑත මාසවලදී චීනය සමඟ ආර්ථික සහයෝගිතාව සැලකිය යුතු තරම් පුලුල් කරනු ලැබ ඇත. එජ විසින් රුසියාව හා චීනය ඉවත්කර තැබීමට වෙර දරන, ටීපීපී හා ටීටීඅයිපී යන ශාන්තිකර හා අත්ලාන්තික් වෙලඳ සංවිධානයන්ට ප්‍රතිචාර වශයෙන් ඒ දෙරට අතර සංවිධානයක් බිහිවෙමින් තිබේ.

පසුගිය සතියේ බීජිනයේ පැවති ඒපෙක් හෙවත් ආසියා ශාන්තිකර ආර්ථික සහයෝගිතා සංසදයේදී රුසියානු හා චීන සමාගම් ගිවිසුම් දුසිම් ගනනකට එලඹුනහ. රුසියානු රජය සතු රොස්නෙෆ්ට් තෙල් සමාගම හා චීනයේ රජය සතු සීඑන්පීසී සමාගම සමඟ ඇතිකරගත් ගිවිසුම ඉන් වඩාත් වැදගත්ය. රොස්නෙෆ්ට් සර්බියාවේ වැන්කෝර් තෙල් බිම් වලින් සියයට 10ක් සීඑන්පීසී වෙත අලෙවි කලේය. බෙහෙවින් නයගැතිව සිටින රුසියානු සමාගම මෙම ගිවිසුම තුලින් සිය විදේශ නය ගෙවා දැමීමට බලාපොරොත්තු වෙයි. මූල්‍ය ක්ෂේත්‍රයට යුරෝපා සංඟමය හා එජ විසින් පනවන ලද සම්බාධක හේතුවෙන් රොස්නෙෆ්ට් හා ගෑස්ප්රොම් වැනි දැවැන්ත සමාගම්, දැන් තම නය ගෙවීමේ දුෂ්කරතාවන්ට මුහුනපා සිටියි. සිතාමතා සිදුවන සමපේක්ෂනය මඟින් උත්සන්න කෙරී ඇති රූබල් මුදල නාටකාකාර ලෙස අවප්‍රමානය වීම, සිය විදේශ නය හිමියන් සමඟ ඇති ගනුදෙනු වලදී රුසියානු බලශක්ති සමාගම් තවදුරටත් දුබල කර ඇත.

චීන විශ්ලේෂකයෙක් රොයිටර් වෙත පැවසුවේ, දැවැන්ත දේශපාලන ඇඟවුම් ද සහිත, රුසියානු බලශක්තිය චීනය වෙත සැපයීමේ ගිවිසුම, දෙරට අතර සම්බන්ධතා ඉමහත් ලෙස ශක්තිමත් කරනු ඇති බවයි.

අතීතයේදී රුසියානු බලශක්ති ප්‍රභවයන් මිලට ගැනීමට විදෙස් සමාගම් වලට හැකිවූයේ, ඒවායේ අරමුදල් සම්පාදනයේදී විශේෂිත අභියෝගයන්ට මුහුන පෑමට සිදුවීම වැනි සුවිශේෂ අවස්ථාවලදී පමනි. කතිපයාධිකාරයෙකුවූ මිකායෙල් කෝඩෝකොවුස්කි 2003දී අත්අඩංඟුවට ගෙන දීර්ඝ සිර දඬුවමකට යටත්කිරීමට බලපෑ එක් ප්‍රධාන හේතුවක් වූයේ ද ඔහු සර්බියාවේ තෙල් බිම් එජ සංගත වලට විකිනීමට උත්සාහ දැරීමයි.

ඊට පටහැනි ලෙස, සයිබීරියාවේ විශාලතම තෙල් නිධියක් වන වැන්කෝර්, කිසිදු විශේෂ අභියෝගයක් ඇති නොකරයි. මෙම කොන්ත්‍රාත්තුවේ වැදගත්කම ජනාධිපති පුටින් පුද්ගලිකවම අවධාරනය කර ඇත. “සාමාන්‍යයෙන් අපි විදේශ හවුල්කරුවන්ට (බලශක්ති නිධි) පැවරීමට බෙහෙවින්ම අදිමදි කරමු. එහෙත් චීන මිතුරන් සම්බන්ධයෙන් කිසිදු බාධාවක් ඇත්තේ නැත.” ඔහු පැවසීය.

ඒපෙක් සමුලුවේදී ගෑස්ප්රොම්, රුසියානු ගෑස් චීනය වෙත සපයන සිලා සිබිරි (සයිබීරියන් බලශක්ති) නල මාර්ගය ඉදිකිරීමට කෙරෙන සම්පූර්න ආයෝජනයේ වගකීම භාර ගැනීමට සූදානම් බව නිවේදනය කලේය. එහි මුලු ආයෝජනය ඩොලර් බිලියන 55කි.

රුසියාවේ කොමර්සන්ට් පුවත්පත පැවසුවේ, මෙම නල මාර්ගය සඳහා ඉහල පිරිවැයක් දැරීමට සිදුවන බවින්, ගෑස්ප්රොම් සමාගමට ව්‍යාපෘති දෙකම සඳහා එක විට මූල්‍ය සම්පත් සපයා ගැනීමට නොහැකිවන අතර එයින් සිදුවන්නේ දකුනු අන්තයේ ව්‍යාපෘතිය අතහැර දැමීම බවයි. දකුනු අන්ත ව්‍යාපෘතියෙන් බලාපොරොත්තු වූයේ යුක්රේනය මඟහැර යුරෝපයට ගෑස් සැපයීමයි. එම ව්‍යාපෘතියට මෑතකදී යුරෝපීය සංඟමය විසින් වල කපන ලදී.

ඒපෙක් සමුලුවෙන් පසුව ගෑස්ප්රොම්හි ප්‍රධානියා වන ඇලෙක්සි මිලර් පැවසුවේ, මෑතකදීම රුසියාව යුරෝපයට වඩා චීනයට ගෑස් සපයනු ඇති බවයි.

චීනය හා රුසියාව අතර ආර්ථික සහයෝගිතාව ප්‍රසාරනය වීම පිලිබඳ අලුත්ම නිදසුන සමුලුව අවසානයේදී ඇතිකරගත් ගිවිසුම්ය.

2013 මැයි මාසය වන විටත් රුසියානු රාජ්‍ය ගෑස් ඒකාධිකාරය වන ගෑස්ප්රොම්, චීනයට ගෑස් සැපයීම සඳහා ඩොලර් බිලියන 400ක වටිනාකමක් ඇති ගිවිසුමක්, එරට සීඑන්පීසී සමඟ ඇතිකරගෙන තිබුනි. නිරන්තරයෙන් බිඳ වැටීමට මුහුනපාමින් දස වසරක් තිස්සේ දිගට ඇදී ගිය සාකච්ඡා වලින් පසුව රුසියාව, යුක්රේන අර්බුදය නිසා යුරෝපයට ගෑස් සැපයීම පහත වැටීම හමුවේ, කඩිනමින්ම ගිවිසුම ඇතිකර ගත්තේය. ගෑස්ප්රොම්, යුරෝපීය රටවල් ගෙවන සාමාන්‍ය මිලට වඩා සැලකිය යුතු අඩු මිලකට ගෑස් සැපයීමට එකඟවී ඇත.

චීනය සමඟ සසඳන කල රුසියාවේ දුබල ආර්ථික තත්වය එරට විශ්ලේෂකයෙක් පෙන්වා දුන්නේය. “ගෑස්ප්රොම් හා රොස්නෙෆ්ට් දැවැන්ත ලෙස චීනය මත රඳාපවතියි. දැන් බීජිනයට ලාභ කොන්දේසි පැනවීමට අවස්ථාව සැලසී තිබේ.”

එජ හා යුරෝපය සමඟ සබඳතා පිරිහෙමින් තිබිය දී ක්‍රෙම්ලිනය ආසියාව වෙත, විශේෂයෙන්ම චීනය වෙත, දිශානුගත වීම ශක්තිමත් කිරීමේ අවශ්‍යතාවය පුටින් යලි යලිත් පෙන්වාදී ඇත. පසුගිය වසරේදී ජර්මනිය අභිබවා රුසියාව චීනයේ වඩාත් වැදගත් වෙලඳ සහකරු බවට පත් විය.

ඒ සමගම යුරෝපයට කෙරෙන රුසියානු බලශක්ති අපනයන මෑත වසරවලදී සැලකිය යුතු ප්‍රමානයකින් පහත වැටී ඇත. ඒ ෂෙල් ගෑස් වැනි විකල්ප ගෑස් මූලාශ්‍රයන් වැඩිවීම නිසා නොවේ; 2009දී එජ ලෝකයේ විශාලතම ගෑස් නිෂ්පාදකයා වශයෙන් සිටි රුසියාව පසුබැස්සවීය. එබැවින් යුක්රේන අර්බුදයට පෙර සිටම ලෝක වෙලඳපොලේ රුසියාවෙහි තත්වය තියුනු ලෙස පහත වැටුනි. එසේ වුව ද රුසියානු ආර්ථිකය බෙහෙවින් පදනම්ව සිටින බලශක්ති අපනයනයේ වැඩිම ප්‍රතිශතය යුරෝපීය සංඟමයට කල සැපයුමයි. දැන් මෙය වෙනස්වෙමින් තිබේ.

චීනය රුසියානු බලශක්ති මූලාශ්‍රයන් මත රැඳී සිටියි. 2013දී රුසියාව ලෝකයේ ලොකුම බොරතෙල් හා ද්‍රවීය කාබනික ඉන්ධන අපනයන කරුවා වශයෙන් එජ අභිබවා ගියේය. 2020 වන විට චීනයේ තෙල් ආනයනය 2005 තිබුන මට්ටමට වඩා සිව් ගුනයකින් එනම්, දිනකට කියුබික් මීටර් බිලියන 9.2 දක්වා වැඩිවනු ඇති බවට ගනන් බලා තිබේ. අනෙකුත් දේ ද සමඟ චීනය බලශක්ති අපනයනය කරන මුහුදු මාර්ග හිර කිරීමේ එජ ව්‍යායාමයෙහි ප්‍රතිපලය වශයෙන්එරට, රුසියාවේ බලශක්ති මූලාශ්‍රයන් සුරක්ෂිත කර ගැනීමට උත්සාහ කරයි.

රුසියාව හා චීනය තම මූල්‍ය සහයෝගිතාවය ද දැඩි කර ගැනීම සඳහා වෙහෙසෙයි. සියල්ලටත් වඩා බටහිර ප්‍රාග්ධන වෙලඳපොලවලට සිය ප්‍රවිෂ්ටය සීමාකර තිබෙන සම්බාධක නිසා රුසියානු බැංකු, චීනයට ලඟාවීමට උත්සාහ දරයි. වීටීබී යන රුසියාවේ දෙවන විශාලතම බැංකුව, ලන්ඩන් කොටස් හුවමාරුවේ සිට සිංගප්පූරුවට මාරුවී ඇත. යුක්රේන අර්බුදය නිසා එම බැංකුව මේ වසර තුල ඩොලර් බිලියන ගනනක අලාභයකට මුහුන පා සිටියි.

ඊට අමතරව රුසියාව හා චීනය, ගනුදෙනු කිරීමේදී එජ ඩොලර් වෙනුවට යුආන් හා රූබල් යොදාගැනීමේ යෝජනාවක් පිලිබඳව මාස ගනනක් තිස්සේ සාකච්ඡා කරමින් සිටියි. මෙය දැනටමත් දුබලවී ඇති එජ ඩොලරයට තවදුරටත් වල කපමින් ලෝක ආර්ථිකය කෙරේ මූලික බලපෑමක් සිදුකරනු ඇත. චීනය ලෝකයේ දෙවන විශාලතම ආර්ථිකය වන අතර රුසියාව ඉහලම දහ දෙනා අතර නමවෙනි තැන පසුවෙයි.

රුසියාව හා චීනය අතර ඇතිවෙමින් තිබෙන සන්ධානය එජ හා යුරෝපය විසින් දැකගන්නේ වැඩෙන කනස්සල්ලකින් යුතුවය. මොස්කෝව හා බීජිනය අතර හවුල්කාරිත්වය ෆිනෑන්ෂල් ටයිම්ස් පත්‍රය විස්තර කලේ “ඇමරිකාවේ නොම්මර එකේ ප්‍රතිපත්ති අභියෝගය” ලෙසය.

යථාර්තයේදී රුසියාව හා චීනය ප්‍රතිචාර දක්වන්නේ, තමන් ආර්ථික වශයෙන් හුදෙකලා කිරීමත් මිලිටරිමය වශයෙන් වැටලීමත් ඉලක්ක කරගත් එජ විසින් ගොඩනඟන කඳවුර කෙරෙහිය. රුසියාව හා චීනය බැහැර කර ගොඩනඟන අන්තර් ශාන්තිකර හවුල්කාරිත්වය, දල වශයෙන් ලෝක ආර්ථිකයේ සියයට 40ක පංඟුවකට දායක වෙයි.

දෙරට දේශපාලන හා මිලිටරි කටයුතුවලදී ද සමීප සහයෝගිතාවක් ගොඩනැඟීමට සැලසුම් කරයි. රුසියානු නියෝජ්‍ය ආරක්ෂක ඇමති ඇනටෝලි ඇන්ටනොව් 18දා කියා සිටියේ, මොස්කෝව හා බීජිනය අනාගතයේදී, පෙබරවාරියේ කියෙව්හි සිදුවූ සීඅයිඒ පිටුබලය ලැබූ කුමන්ත්‍රනය වැනි “වර්නවත් විප්ලවයන්ට” එරෙහිව ඒකාබද්ධව සටන් වදිනු ඇති බවයි.

“ආසන්නයේ සිදුවන මේ සියල්ල හමුවේ, අපගේ රටවල් දෙකේම ආරක්ෂාවට තර්ජනය කරන මෙම අභියෝගවලට රුසියාව හා චීනය සහයෝගයෙන් මුහුන දිය යුතු බව අපි සිතන්නෙමු” යයි ඇන්ටනොව් පැවසීය.

ඒ අතර රුසියාව චීනය වෙත හැරීම පිලිබඳව රුසියානු පාලක පැලැන්තිය ගැඹුරින්ම බෙදී සිටිති. සැමටත් වඩා කෝඩෝකොවුස්කි විසින් නියෝජනය කරන කතිපයාධිකාරීන් අතර සිටින එජ ගැති කොටස්, යුක්රේන අර්බුදය වොෂින්ටනය සමඟ වඩා සමීප සහයෝගයක් ගොඩනඟා ගැනීමටත්, යුරෝපීය සංඟමයට ඒකාග්‍ර වීමටත් යොදාගත යුතු බව කියා සිටිති.

තන්හා රතී රඟා : ශී‍්‍ර ලංකාවේ නාගරික පීඩිතයන්ගේ ජීවිතය

Posted by Sri Lanka Guardian | | Posted in ,

වසන්ත රූපසිංහ සහ පානිනී විජේසිරිවර්ධන විසිනි

අධ්‍යක්ෂනය: නිලේන්ද්‍ර දේශපි‍්‍රය
තිර රචනය: කුමාර තිරිමාදුර හා සරත් කොතලාවල
සංගීතය: ගයාත‍්‍රී කේමදාස හා අනුපා කේමදාස

නිලේන්ද්‍ර දේශප‍්‍රියගේ ප‍්‍රථම සිනමා නිර්මානය, තන්හා රතී රඟා , මේ දිනවල ශී‍්‍ර ලංකාවේ තිරගත වෙයි. 2009 වසරේ බෙදුම්වාදී දෙමල ඊලාම් විමුක්ති කොටි සංවිධානය (එල්ටීටීඊ) මිලිටරිමය වසයෙන් පරාජය කිරීමෙන් අවසන්වූ දීර්ඝ සිවිල් යුද්ධයෙන් අනතුරුව දිවයිනෙහි සිනමා ශාලා අරක්ගත් සිංහල බෞද්ධ ස්වෝත්තමවාදී යුද වින්දනීය චිත‍්‍රපට ගොන්නෙන් වෙන්වන දේශපි‍්‍රයගේ නිර්මානය, ශී‍්‍ර ලංකාවේ නාගරික පීඩිතයන්ගේ ජීවිතය පිලිබිඹු කිරීමට ගත් ප‍්‍රයත්නයක් ලෙස පැසසුමට ලක්විය යුතු ය.
නිලේන්ද්‍ර දේශපි‍්‍රය

"මාර්ග චිත‍්‍රපට" ( Road movies) නම් වූ චිත‍්‍රපට විශේෂයෙහි අංග ලක්ෂන සහිත මෙම නිර්මානයෙහි කතාව දිග හැරෙන්නේ යුද්ධය අවසන් වීමෙන් පසු ත‍්‍රිරෝද රථයක නැගී උතුරට යන මිතුරන් තිදෙනෙකු මුහුන දෙන සිද්ධීන් මාලාවක් ඔස්සේ ය. කොලඹ දුගී නිවස්නා ප‍්‍රදේශයක් වන ගුනසිංහපුර පදිංචි මිතුරන් තිදෙනා අතරින් සිරිතුංග (සරත් කොතලාවල) කුලී වැඩවල නිරත තිදරු පියෙකු වන අතර විමල් (කුමාර තිරිමාදුර) අවිවාහක ති‍්‍රරෝද රථ රියදුරෙකි. අනෙක් මිතුරා වන්නේ රැකියා විරහිත විශ්ව විද්‍යාල උපාධිධාරියෙකු වන වන සුරාජ් (නාමල් ජයසිංහ) ය.

චිත‍්‍රපටය ඇරැඹෙන්නේ, ජනාධිපති මහින්ද රාජපක්ෂගේ ආන්ඩුව සංවිධානය කල උමතු සහගත යුද ජය සැමරුම් පිලිබඳව පෞද්ගලික රූපවාහිනී නාලිකාවක් ගෙන එන පුවත් වාර්තාකරනයකිනි. දේශපාලනඥයෝ මුල්වී කිරිබත් දන්සැල් දෙති, රතිඤ්ඤා පත්තු කරති, බෞද්ධ භික්ෂූන් ලවා පිරිත් කියවති, යුද්ධයේ අවසන් අදියරේදී ශී‍්‍ර ලංකා හමුදාව විසින් මරා දැමුනු එල්ටීටීඊ නායක ප‍්‍රභාකරන් අඟවන පඹයෙකුට ගිනි තබති. සිරිතුංග සහ ඔහුගේ මිතුරන් දෙදෙනා ද මේ සැමරුම්වලට හවුල් වෙති. යුද ජය සැමරුම්වලින් පසු, යුද්ධය නිසා වසා දමා තිබූ උතුරට දිවෙන ප‍්‍රධාන මාර්ගය මිලිටරිය විසින් යලි විවෘත කිරීමත් සමග, විමල්ගේ ත‍්‍රිරෝද රථයේ නැගුනු මිතුරෝ උතුර නැරඹීමට පිටත් වෙති. යුද්ධය බිහිසුනු ලෙස පැවැති චලෙයි ප‍්‍රදේශයේ මුහුදු වෙරලේ වලලා තිබූ පිස්තෝලයක් විමල්ට හමුවන අතර සිරිතුංගගේ දැඩි විරුද්ධත්වය මැද ඔහු එය කොලඹට ගෙන එයි.

විමල් සහ සුරාජ්, තමන්ට වින කටින්නන් මෙල්ල කිරීමට මෙම පිස්තෝලය විටින් විට යොදා ගන්නා අතර එම සිදුවීම්වලින් පසු ඔවුන්ව පොලිසියට කොටුවේය යන භීතියෙන් පිස්තෝලය තමන් සන්තකයට ගන්නා සිරිතුංග එය තම නිවසේ සඟවයි. දිනක් අහම්බෙන් සිරීගේ නොදරුවෙකු අතට පත්වන පිස්තෝලය සෙල්ලම් පිස්තෝලයකැයි සිතා තම නැගනියගේ හිසට තබා කොකා ගස්සයි. ගැහනු දරුවා මාරක තුවාල ලබා හදිසි ප‍්‍රතිකාර අංශයට ඇතුලත් කෙරේ. සිද්ධිය හේතුකොටගෙන සිරිතුංග සහ ඔහුගේ සෙසු සගයන් දෙදෙනා අත්අඩංගුවට ගන්නා රහස් පොලිසිය ඔවුන් එල්ටීටීඊය සමග සබඳතා පැවත්වූයේය යන චෝදනා නගමින් දීර්ඝ ලෙස ප‍්‍රශ්න කරයි. වෙඩි වැදුන දරුවා මරනයට පත්වන අතර මිතුරන් තිදෙනා වසර දහයක සිරයට නියම වේ. වසර දහයකට පසු නිදහස් වන මිතුරන්ට යලි අත්දැකීමට ඇත්තේ පෙරකාලයේ පැවති සමාජ වාතාවරනයටම ය යන අදහස දෙන දර්ශනයකින් චිත‍්‍රපටය අවසන් වේ.

මිතුරන් තිදෙනා අයත්වන නාගරික පීඩිත ජනසමාජය පසුගිය සියවස පුරා ඈත ගම්දනව් වලින් රැකියා සොයා කොලඹට පැමිනි, සිංහල, දෙමල හා මුස්ලිම් ජන වර්ග වලින් සමන්විත වේ. මෙම ජනයාගෙන් බොහෝ දෙනෙකුට ශීලාචාරව සහ ස්වාධීනව ජීවත් වියහැකි නිත්‍ය නිවසක් හෝ හරිහමන් රැකියාවක් නොමැත. මෙම තතු තුල, ඔවුන්ගෙන් සැලකියයුතු ප‍්‍රමානයක් මත් ද්‍රව්‍ය ජාවාරම් ඇතුලු පාතාලමය වැඩ කටයුතුවලට මෙන්ම ගනිකා වෘත්තිය සඳහා ද තල්ලු කෙරී ඇත. යුද්ධය හමාරවීමෙන් අනතුරුව, රාජපක්ෂ ආන්ඩුව කි‍්‍රයාත්මක කොට ඇති කොලඹ නගරය "සුන්දර කිරීමේ" ව්‍යාපෘතියේ නාමයෙන් මිලිටරියේ බලහත්කාරය යොදා නගරයෙන් පිටමං කරමින් සිටින 70,000ක් පවුල් අයත් වන්නේ මෙම සමාජ ස්ථරයට යි.

මෙම ජන කොටසේ ජීවන ගැටලු හා ඔවුන් අතර පවත්නා මානුෂීය ගුනාංග චිත‍්‍රනය කිරීමට දරන ප‍්‍රයත්නය හේතුවෙන් අධ්‍යක්ෂවරයා තුල ඔවුන් කෙරෙහි නිපන් සානුකම්පාව ඉස්මතු වෙයි. ස්තී‍්‍ර‐පුරුෂ පේ‍්‍රමය, දාරක පේ‍්‍රමය හා මිත‍්‍රත්වය වැනි මානුෂීය සබඳතා සියුම්ව හා සෞන්දර්යාත්මකව ඉදිරිපත් කිරීමට දේශපි‍්‍රය සතු හැකියාව ද ඔහුගේ නිර්මානයෙන් ප‍්‍රකට වෙයි.

සිරිතුංග තම බිරියට සහ දරුවන්ට දක්වන ආදරය, පෙරලා බිරිඳ ඔහු සහ දරුවන්ට දක්වන ආදරය හා කුලී වැඩෙහි යෙදෙමින් තම පවුල රැකබලා ගැනීමට ඔහු දරන ආයාසකර ප‍්‍රයත්නය, කටුක ජීවිතය තුල පවා සෙනෙහෙබර පවුලක් ලෙස ජීවත් වීමට මෙම මිනිසුන් තුල ඇති අපේක්ෂාව නිරූපනය කෙරෙන දසුන් පෙල එයට සාක්ෂි දරයි. දිලිඳුබව හේතුවෙන් සංස්කෘතිය අහිමි කෙරුනු මෙම මිනිසුන් සහ ගැහැනුන් ඉඳහිට යන සාමූහික විනෝද චාරිකාවකින් ලබන ඉමහත් ආස්වාදය චිත‍්‍රනය කෙරෙන දසුන් පෙලෙන් ද ඔහු සතු මෙම හැකියාව තහවුරු කෙරෙයි.

දේශපි‍්‍රය සතු මෙම විභවය වඩාත්ම ඉස්මතු වන්නේ, විමල් සහ ජසින්තා නම් තරුනිය අතර දලුලන පේ‍්‍රමය ආශි‍්‍රත දසුන් පෙලෙනි. උතුරු වෙරලේ ගිනිමැලයක් වටා රැස්ව සිටින වෙනත් නඩයකට එක්වන විමල් සහ මිතුරන් ඔවුන් සමග එක්ව ගී ගයන අතරතුර ජසින්තාගේ හා විමල්ගේ දෙනෙත් එකිනෙක ගැටේ. හමා යන සිහිල් මාරුතයෙන් සැලී මුහුනට වැටෙන කෙස් රොද අතරින් එල්ල වන මෙම නෙත්සරයන්හි කාන්තියෙන් පේ‍්‍රමයේ පරම රමනීයත්වය අපූර්වත්වයකින් මතු කර ගැනීමට දේශපි‍්‍රය සමත් වෙයි. මෙහිදී මාරුතයේ සිසිල සහ ගිනිමැලයේ මන්දාලෝකය එකිනෙක සංයෝජනය කරමින් කැමරාකරු මවන චමත්කාරය මනරම් ය.

පශ්චාත් යුද කාලීන උතුරුකරයේ වඩාත් පුලුල්ව වර්ධනය කෙරී ඇති සිංහල බෞද්ධ අධිකාරිත්වය සම්බන්ධයෙන් දේශපි‍්‍රය යම් විරෝධාභාෂී ආකල්පයක් දරන බව ඇතැම් දර්ශන වලින් ඉස්මතු වෙයි. උතුරට ඇදෙන ත‍්‍රිරෝද රථයේ සවිකොට ඇති බුදුරුවට කැමරාව නැවත නැවතත් යොමු කරමින් සහ එය විශාලිත කරමින් යුද්ධයෙන් විනාශ වූ දෙමල ගම් නියම්ගම් හරහා ඉදිරියට ඇදෙන යෝධ ප‍්‍රතිරූපයක් බවට එම බුදුරුව පත් පත් කෙරෙන්නේ ඉහත අරුත දනවමිනි.

එල්ටීටීඊ ය පරදා යලි රට "එක්සේසත්" කිරීමේ යථා අර්ථය අධ්‍යක්ෂවරයා විසින් දනවන්නේ ඉතා ප‍්‍රබල රූපකයකින් හා දැඩි උත්ප‍්‍රාසයකිනි. උතුරු වෙරලේ ගිනිමැලයක් වටා හිඳ සිටින විමල් සහ සගයන් දෙදෙනා වෙතට පැමිනෙන වෙනත් නඩයක තරුනයෙකු යෝජනා කරන්නේ, යුද්ධය නිමාවී රටම "එක්සේසත්" වන මොහොතේ "එකම ගිනිමැලයක හෙවන වටේ රොක්වන" ලෙස යි. වෙනත් ගිනිමැලයක් වටා රොක්ව සිටින එම නඩයට මිතුරන් තිදෙනා ද එක්වෙයි. "එක්සත්" කෙරී ඇත්තේ "ගිනිමැලයක" සෙවනේ ය. එනම් රාජපක්ෂ ආන්ඩුව විසින් මෙහෙයවන කොලඹ කේන්ද්‍ර කරගත් සිංහල බෞද්ධ රාජ්‍යය නමැති ගිනිමැලයේ සෙවනේ ය. සමස්ත දිවයින පුරා වෙසෙන කම්කරු පීඩිත මහජනයා මෙම ගිනිමැලයේ තාපයෙන් දැවීමට නියමිත බව මෙයින් ව්‍යාංගාර්ථිත ය.

මිතුරන් තිදෙනා එල්ටීටීඊ සැකකරුවන් ලෙස රහස් පොලිසියට ගෙනගොස් ප‍්‍රශ්න කරන දර්ශන හා ධනපති මාධ්‍ය ඒ පිලිබඳ අතේ පැල කරන පුවත් හරහා ගෙන යන උමතු සන්දර්ශනයෙන්, "උතුරේ ත‍්‍රස්තවාදය නැවත හිස ඔසවමින් සිටින" බවට ආන්ඩුව ගෙනයන ප‍්‍රචාරයේ ව්‍යාජභාවය උත්ප‍්‍රාසාත්මකව පෙන්නුම් කරයි. අත්අඩංගුවේ සිටින සුරාජ්ගේ මව දෙමල ජාතික කාන්තාවක වීමේ කාරනය මත ප‍්‍රධාන දිනපතා පුවත්පතක් තම ප‍්‍රධාන සිරස්තලය හරහා සුරාජ් "ත‍්‍රස්තවාදියෙක්" බවට පත් කරයි. හුදෙක් එල්ටීටීඊය සඟවා තිබුනේයැයි පැවසෙන ආයුධයක් ලඟ තබා ගැනීම නිසාවෙන් මෙම මිතුරන් "කොටි" ලෙස හංවඩු ගැසීම තුලින් යුද්ධය මධ්‍යයේ දෙමල සහ සිංහල තරුනයින් දඩයම් කෙරුනේ සහ යුද සන්නිය පවත්වා ගෙනගියේ කොතරම් නම් මුසාවාද මත පදනම්ව ද යන්න ඇඟවේ.

දේශප‍්‍රිය සිය නිර්මානය හරහා යුද්ධය පැවති කාලය පුරා දකුනේ ධනපති මාධ්‍ය විසින් තලු මරන ලද ආයුධ පරිහරනය ලමා සිතුම් පැතුම් පවා ග‍්‍රහනයට ගෙන ඇති අයුරු ඉස්මතු කිරීමට යත්න දරයි. සිරිතුංගගේ ලමුන්ට සෙල්ලම් කිරීමට ලැබී ඇත්තේ සෙල්ලම් තුවක්කු ය, සෙල්ලම් යුද ටැංකි ය. අනාගත පරපුරේ මනෝභාවයන් යුද්ධයේ විසකුරු අත්දැකීම්වලින් විනාශ කර ඇති ආකාරය සම්බන්ධයෙන් අධ්‍යක්ෂවරයාගේ උත්සුකය එමගින් විලක්ෂිත ය.

මිතුරන් තිදෙනා ඇතුලු ජනකොටස් යුදජය සැමරුම්වලට තල්ලුවී ගියේ යුද්ධය නිමාවී තමාගේ ජීවන කොන්දේසි යහපත් වෙතැයි යන අපේක්ෂාවෙන් නමුදු සිදුවී ඇත්තේ එල්ටීටීඊය පරාජය කොට ශක්තිමත් කරගත් මර්දන හස්තයෙන් ඔවුන්ටම පෙරලා පහර දීම බව චිත‍්‍රපටයෙන් ඇඟවෙයි. මිතුරන් තිදෙනාට සිර දඬුවම් නියම කෙරී ඔවුන් රැගෙන යන මොහොතේ, විමල්ගේ මව, සිරිතුංගගේ බිරිය සහ සුරාජ්ගේ දෙමල ජාතික මව ඇතුලු ආදරනීයන් සහ හිතවතුන් සියල්ල, ඈතින් දිස්වන, ධනේශ්වර රාජ්‍යයේ සංකේතයක් වන අධිකරන ගොඩනැගිල්ල දෙස බලා සිටී. ඔවුන් මුහුන දෙන පීඩාවන්ගේ මූලය මෙම ධනේශ්වර රාජ්‍යය නොවේදැයි ප‍්‍රශ්න කරන්නාක් බඳු හැඟීමක් පේ‍්‍රක්ෂකයාට දැනෙයි, හැඟෙයි.

මෙම නාගරික පීඩිතයන්ගේ ජීවිත වෙලාගෙන තිබෙන සමාජ ප‍්‍රශ්න ඉදිරිපත් කිරීමේදී යම් වියුක්ත හා නොගැඹුරු බවක් සමස්ත නිර්මානයම පුරා විශද වෙයි. ජීවත් වීමට හරිහමන් නිවසක් නොමැතිවීම මොවුන් මුහුන දෙන බලගතුම සමාජ ප‍්‍රශ්නයකි. විමල් ඇතුලු පවුලට ඔවුන් ජීවත් වන නිවසින් ඉවත් වන ලෙස බාප්පා කරන බලපෑම හරහා මෙම නිවාස ප‍්‍රශ්නය චිත‍්‍රනය කිරීමට දේශපි‍්‍රය යම් දුරකට උත්සාහ කරන නමුදු එය සංයුක්තභාවයෙන් තොර ය. එබැවින්ම ප‍්‍රශ්නය සම්බන්ධයෙන් පේ‍්‍රක්ෂකයා තුල චලනයක් ඇති නොකෙරෙන අතර නව ඥානයක් ද සම්පාදනය නොකෙරේ.

තම පෙම්වතිය හා එක්වීමට නොහැකිව පීඩාවට පත්වන රැකියා විරහිත උපාධිධරයෙකු වන සුරාජ්ගේ චරිතය තුලින් තම ජීවිතය සුපුෂ්පිත කරගත නොහැකිව ලතවෙන දහස් සංඛ්‍යාත තරුන තරුනියන්ගේ ජීවිත මුන ගැස්සවීමට ද අධ්‍යක්ෂවරයා යත්න දරා තිබෙන නමුදු එහිදීද මෙම දුර්වලතාව ඉස්මතු වෙයි. පෙම්වතියගේ සොහොයුරා සුරාජ්ට විරුද්ධ වන්නේ මන්ද? ඔහුට රැකියාවක් නොමැති නිසා ද? නැතහොත් ඔහුගේ මව දමිල නිසා ද? සුරාජ්ට මෙලෙස ප‍්‍රසිද්ධියේ අඩන්තේට්ටම් කිරීමට පෙම්වතියගේ සොහොයුරාට ඇති සමාජමය ශක්තිය කුමක්ද? මේ කිසිවක් සංයුක්ත නොවන බැවින් සියුම් මනෝභාවයන් ද ජීවිතය පිලිබඳ ගැඹුරක් ද ජනනය නොවෙයි.

මෙම නොබැරෑරුම්බව හේතුවෙන් යුද්ධයෙන් අනතුරුව ද උතුරේ පවත්වා ගෙනයන රුදුරු මිලිටරි පාලනය යටතේ දෙමල පීඩිතයන් විඳින දුක්ඛ දෝමනස්සයන් චිත‍්‍රපටය තුලදී හුදු පොලිස් මංකොල්ල කෑමකට ලඝු කෙරෙයි. මෙම මංකොල්ලකෑම ද නිරූපනය කෙරී ඇත්තේ දෙමල පීඩිතයන් කෙරෙහි අනුකම්පාවක් ජනනය කරමින් නොව පොලිස් නිලධාරියා කෙරෙහි හුදු අවඥා සහගත හාස්‍යයකට දර්ශන පෙල සිඳවමිනි.

යුද්ධයෙන් වසර දහයක් ගතවූ පසුත් තත්වය මෙලෙසම පවතිනු ඇතැයි යන දෘෂ්ටියක් අවසන් දසුනෙන් මතු වෙයි. එයින් ප‍්‍රකාශ වන්නේ, මෙම තත්වයෙන් ගැලවීගත හැකි සමාජ බලවේගයක් හා ඉදිරි දර්ශනයක් ගැන මෙන්ම එවන් පරිවර්තනයක් සම්බන්ධයෙන්ම පවතින සංශයකි. එය තුඩු දෙන්නේ අසාර දර්ශනයකට ය. එනමුදු වෛෂයික වර්ධනයන් මෙම දෘෂ්ටියට විපරීත ය. ලෝක ධනේශ්වර අර්බුදයෙන් ජාත්‍යන්තර පරිමානව පැන නංවා ඇති සමාජ ප‍්‍රතිවිප්ලවයට එරෙහිව ලෝකය පුරාත් මේ කුඩා දිවයින තුලත් යෝධ සමාජ අරගල පුපුරා යාමට නියමිත අතර දැනටමත් එම අරගල විවිධ සමාජ ස්ථර අලලා ගනිමින් මෝදු වෙමින් පවතී. මෙම සමාජ සවිඤ්ඤානකත්වයේ ඌනතාව හේතුවෙන්, පාලක පන්තියේ ප‍්‍රහාරයන්ගෙන් බැටකන සිරිතුංග, විමල් සහ සුරාජ් මෙන්ම ජසින්තා ද නියෝජනය කරන සමාජ බලවේග පුපුරා එන එම අරගල සමග ඒකාබද්ධ වීමේ ශක්‍යතාව සහිත බව අධ්‍යක්ෂවරයාට නොහැඟේ.

කෙසේ නමුදු, දේශප‍්‍රියගේ නිර්මානය තුල, පවත්නා සමාජය සම්බන්ධයෙන් වන විරෝධයේ අංශුමාත‍්‍රයක් ගැබ්වී ඇති බව නිසැක ය. සෑම බැරෑරුම් සහ අව්‍යාජ කලා කෘතියක අනිවාර්යයෙන් ගැබ් වෙන මෙම විරෝධයේ මූලයන් ලෝකය වඩාත් යහපත් දිශාවක් දෙසට චලනය කිරීමට තුඩු දෙයි. සැබැවින්ම මෙම විරෝධයේ අංශුව කලා කෘතියක් ලෙස පල දරන්නේ ලෝකය පිලිබඳව කෙරෙන ගැඹුරු විභාග කිරීමක් තුල යි. එම විභාග කිරීම බලගතු වත්ම, ගැඹුරු වෙත්ම විරෝධයේ මූලය ද බලගතු වේ. එවැනි ගැඹුරු හා බලගතු විභාග කිරීමකට දේශප‍්‍රිය දක්වන මැලිකම හේතුවෙන් ඔහුගේ නිර්මානය තුලින් වඩාත් යහපත් ලෝකයක් සඳහා ඇති කෙරෙන ප‍්‍රතිපදානය සීමිත වී ඇත.

“වයලීනයේ හඬ”: ජීවිතය හා කලාව අතර සබඳතාව පිලිබඳ සෞන්දර්යාත්මක විවරනයක්

Posted by Sri Lanka Guardian | | Posted in , ,

වසන්ත රූපසිංහ විසිනි

“වයලීනයේ හඬ”
අධ්‍යක්ෂනය: සන්තුෂ ලියනගේ
තිර රචනය : නිලංක දහනායක
පසුබිම් සංගීතය: අසෝක ජයවර්ධන


ජාතික රූපවාහිනිය ඔස්සේ පසුගිය අගෝස්තු 1 දා සිට සෑම සිකුරාදාවකම විකාශය වූ සන්තුෂ ලියනගේ විසින් අධ්‍යක්‍ෂිත “භාව තීර්ථ” ටෙලි චිත‍්‍රපට මාලාව පවත්නා ඒකාකාරී, නීරස හා කලා විහීන ටෙලි නාට්‍ය වලට වෙනස් අයුරකින්, නැවුම් හා යථාර්ථවාදී ලෙස ජීවිතය විවරනය කිරීමට දැරූ ප‍්‍රශංසනීය වෑයමකි. ඒ අතරින් පසුගිය 17දා විකාශය කල “වයලීනයේ හඬ” කතා මාලාවේ අනෙකුත් කතා අතරින් වඩාත් ඉහලට එසැවුනු කෘතියකි.

“වයලීනයේ හඬ” කතාව ගොඩ නැගෙන්නේ, තරුනයන් දෙදෙනෙකු, තරුනියක හා වයලීනයක් වටා ය. මධ්‍යම පාන්තික පවුලක එකම දියනිය වන නඳුනි සිය පියාගේ බලකිරීම මත වැඩි මනාපයකින් තොරව වයලීන විභාගයට පෙනී සිටීමට සූදානම් වෙමින් සිටී. එහෙත් තමා වඩාත් කැමැති කවි ලිවීමට බැව් පියාව කෝප ගන්වමින් ඇය කියයි. මෙකී ව්‍යාකූල මනසින් යුතුවූ ඇය දිනෙක වයලීන පන්තියට යමින් සිටියදී තරුනයින් දෙදෙනෙකු ගමන් කරන පාපැදියක ගැටීමට ගොස් යන්තමින් බේරෙන අතර ඔවුන් එකිනෙකා හඳුනාගනී. මෙම තරුනයින් දෙදෙනා නම් එකම බෝඩින් කාමරයක නතරව සිටිමින් සෞන්දර්ය විශ්ව විද්‍යාලයේ සංගීතය හදාරන රජීව් හා ඔහුගේ දෙමල ජාතික මිතුරා වන රඝු ය.

පසුදා නඳුනි සිය වයලීනය අලුත්වැඩියා කරවා ගැනීමට රජීව් සහ රඝු සේවය කරන සංගීත භාන්ඩ අලුත්වැඩියා කරන ආතනයට ගොඩ වෙයි. පලමු දිනයේදී ම, සම්භාව්‍ය සංගීතය පිලිබඳ රජීව්ගේ ඥානය හා ජීවිතය හා කලාව අතර අභේද්‍ය සම්බන්ධය පිලිබඳ ඔහු පලකරන අදහස්වලින් තරුනිය වශීකෘත වන අතර ඇය ක‍්‍රමයෙන් වයලීන වාදනය වෙත ලොබ බැඳ ගනී. රජීව් සහ නඳුනි අතර සබඳතාව එකිනෙකාට හොර රහසේ ගොඩ නැගෙන ආදරයක් බවට පසුව වර්ධනය වේ.

දිනක් රජීව් හමුවීමට පැමිනෙන ඇය මැසිවිලි කියන්නේ, වයලිනයේ හඬ වෙනස් වීමට පටන් ගෙන ඇති බව යි. රජීව් එය සුසර කිරීමට කොතෙක් වෑයම් කල ද අසාර්ථක වන අතර එකම විසඳුම වන්නේ වයලීනය විකිනූ පුද්ගලයා සොයා ගෙන එහි හඬ පෙරදී ද මේ අයුරින් වෙනස්වී ඇතිද යන්න සොයාගැනීම යැයි පවසයි. ඔහු සිය දෙමල මිතුරා සහ නඳුනි ද කැටුව වයලීනයේ අයිතිකරු සොයා යන ගමන අතිශය ප‍්‍රකම්පනකාරී සිදුවීම්වලින් පිරී පවතින අතර 1983 දී දෙමල ජනයා ඉලක්ක කොට දියත්කල ලේවැකි විලෝපනය, 1988-89 සමයේ දකුනේ ධනපති පාලකයන් කැරලිකාරී ගම්බද තරුනයින් බුරුතු පිටින් සමූලඝාතනය කිරීම සහ ලේවැකි වර්ගවාදී යුද්ධය යන පසුගිය දශක හතරක කාලය තුල ලාංකීය සමාජ ජීවිතය අලලා ගත් ඛේදජනය සිදුවීම් යලි සිහිපත් කරමින් චිත‍්‍රපටය අවසානය තෙක් දිග හැරෙයි.

මෙහිදී වයලීනයෙන් සමස්ත කලාව ද, එහි හඬ වෙනස්වීම මගින් නිශ්චිත යුගයන්හිදී කලාවේ ඇතිවන නිශේධනීය වෙනස්වීම් ද සංකේතවත් කෙරී ඇත. වයලීනය “විකිනීම” යන්නෙන් අර්ථ ගැන්වෙන්නේ, මර්දනකාරී සහ අර්බුදග‍්‍රස්ත කාල පරිච්ඡේදයන්හි කලාව අත්හැර දැමීම හෝ දුෂ්පරිහරනයේ යෙදවීම බැව් වයලීනයේ පෙරහිමිකරුවන් එය විකුනා දැමීමට තමාට බලපෑ හේතු ගෙනහැර පෑමේදී ප‍්‍රකාශයට පත්වේ. රජීව්, නඳුනි සහ රඝු ඇතුලත් නව පරම්පරාව වයලීනයේ පෙර හිමිකරුවන් නැතහොත් අතීත කලාකරුවන් සොයා යන්නේ කලාව එලෙස විකුනා දැමුනේ ඇයි ද යන තීරනාත්මක ප‍්‍රශ්නයට පිලිතුරු සොයා ගැනීමට ය.

වයලීනයේ හිමිකරු සොයා යන ඔවුන්ට පලමුව මුන ගැසෙන්නේ නඳුනිට පෙර අවසන් හිමිකරුව සිටි රෝහන නම් තරුනයෙකි. දැන් සංගීත පටිගත කිරීමේ මධ්‍යස්ථානයක් පවත්වා ගෙන යන රෝහන තමන් කලෙකට පෙර විකුනූ වයලීනය දැක මවිත වෙයි. ඒ පිලිබඳ හැඟීම්බර මතකය අවදි කරන ඔහු: “යුද්ධෙ දරුනුවට යන කාලේ මම මේක වික්කා. ඇයි. මිනිස්සුන්ට ඕන වුනේ ගොඩක් ෆන් (විනෝදකාමී) දේවල්. මේවා ප්ලේ කලාට මිනිස්සුන්ට අහන්න ඕන වුනේ නෑ. මට දැනුනා මේ වයලින් එකේ හඬ වෙනස් වෙනවා. මේකෙන් ආවෙ හරිම දුක්බර හඬක්. සමහරු කීවා මම කියන්නේ මනස්ගාත කියලා. අන්තිමේදී මම මේක වික්කා.”

කලාවට එල්ලවන අතිමහත් පීඩනය හමුවේ කලාවම නගන විලාපයක් ලෙස මෙම “දුක්බර හඬ” ලියනගේ විසින් සෞන්දර්යාත්මකව චිත‍්‍රනය කොට ඇත. ස්වාධීනව නැගී සිටිමින් විකසිත වීමට කලාවට ඇති නිසග අවශ්‍යතාවට එරෙහිව, එක් අතකින් වර්ගවාදී යුද්ධය මධ්‍යයේ පාලක පන්තිය විසින් කලාවට පැනවූ වාරන සහ සීමාවන් ද අනෙක් අතින් සමස්ත කලා ක්‍ෂේත‍්‍රයම ලාභ ලබන කර්මාන්තයන් බවට පත් කෙරෙන නව ආර්ථික ප‍්‍රවනතාවන් මගින් එල්ල කෙරෙන පීඩනයන් හමුවේ තමා වැනි කලාකරුවන්ට සත් කලාව අත්හැර දැමීමට සිදුවූ බැව් රෝහනගේ අදහස් හරහා ප‍්‍රක්ෂේපනය වෙයි.

කලාවට එල්ල කෙරෙන පීඩනය හමුවේ රෝහන අනුගමනය කරන්නේ එයට එරෙහි අරගලය පසෙක ලා එයට අනුගත වීමයි. එය තියුනු ලෙස ප‍්‍රකාශයට පත් වන්නේ, දැන් රෝහන ශබ්ධාගාරයක් බවට පරිවර්තනය කර තිබෙන ස්ථානයේ කලින් පැවැති “රෙවලූෂනරි මියුසික් ඇකඩමි” ගැන රජීව් ඔහුගෙන් ප‍්‍රශ්න කරන අවස්ථාවේදී ය. තරුනයින් වෙත හිස් බැල්මක් හෙලන රෝහනගේ කෙටි පිලිතුර වන්නේ, “වැඩක් නෑ!” යන්න යි.

රෝහනට වයලීනය විකුනා ඇත්තේ 80ගනන් අගභාගයේ ඇඹිලිපිටිය විදුහලක සේවය කරමින් සිටි සිරිවර්ධන නම් සංගීත ගුරුවරයෙකු විසිනි. වයලීනය යලි දැක ක්ෂනිකව කම්පනය වන ගුරුවරයා අසන්නේ, “ඇයි ආයෙත් හඬ වෙනස් වෙන්න පටන් අරන් ද?” යනුවෙනි. රජීව් වැනි තරුනයින්ට තමන් එකල උගන්වමින් සිටි බවත් දිනක් උදෑසන ඔහුගේ පන්තියේ සිසුන්ගෙන් භාගයක්ම දකින්නට නොසිටි බවත් සිරිවර්ධන පවසන්නේ අතිශය හැඟීම්බර ආකාරයෙනි.

ඔහු මෙහිදී සඳහන් කරන්නේ, දක්ෂිනාංශික එක්සත් ජාතික පක්ෂ ආන්ඩු සමයේදී ඇඹිලිපිටිය ප‍්‍රදේශයේ සිදුකල කුප‍්‍රකට ශිෂ්‍ය ඝාතන පිලිබඳව යි. සිදුවීමෙන් පසුව “මේ වයලින් එකෙන් පිටවෙච්ච හඬ හරියට මගෙ ලමයි විලාප දෙනවා වගේ” යැයි ගුරුවරයා පවසයි. එයින් ගැලවීම සඳහා වයලීනය විකුනා දැමූ බව පවසන සිරිවර්ධන “ඒ හෘද සාක්ෂිය ආයෙත් මාව හොයාගෙන එනවා” කම්පාවට පත් වෙයි. සිරිවර්ධනගේ ප‍්‍රතිචාරය රෝහනගේ ප‍්‍රතිචාරයට නොදෙවෙනි එකක් බව මෙයින් පෙනී යයි.

අවසානයේ ඔවුනට වයලීනයේ මුල් හිමිකරු යාපනය ප‍්‍රදේශයේ පදිංචිව සිටි දෙමල ජාතික තරුනියක බව දැනගැනීමට ලැබේ. අධ්‍යක්ෂවරයා මෙම සිදුවීම යුද්ධය පිලිබඳ සෘජු හා ප‍්‍රබල විවේචනයක් එල්ල කිරීමට යොදා ගෙන ඇත. 1980 දී එක්සත් ජාතික පක්ෂ ආන්ඩුවේ වර්ගවාදී මැර නඩ විසින් යාපනය පුස්තකාලය ගිනිතබමින් දියත් කල බිහිසුනු සිදුවීම්වලින් අනතුරුව කොලඹ පැමිනි තරුනිය පසුව බිහිසුනු කලු ජූලියට අසුව යන්තමින් පන බේරා ගත් පවුලක සාමාජිකාවකි.

එම නිවසේ මෙහෙකරුවෙකු ලෙස සේවය කල මැදිවියේ දෙමල පුරුෂයෙකු කලු ජූලියේ බිහිසුනු අත් දැකීම් මෙසේ විස්තර කරයි.

“ගිනි තියන්න පටන් ගත්තා මහත්තයා... මරන්නත් හැදුවා. ගෙවල් ගානේ එලවඑලවා මැරුවා. හරියට වල්පැලෑටි ගලවනවා වගේ මහත්තයෝ. අපිව බලාගන්න දෙයියෙක්වත් හිටියෙ නෑ. ඇයි එහෙම කලේ? පවුල් පිටින් රට ගියා. හිස් අතින් ගියේ. එතකොට පුංචි නෝනා මේ වයලින් එක මට දීලා ගියා මතක් වෙන්න.,” වයසක මිනිසා තරුනයින්ට ඇඬූ කඳුලෙන් විස්තර කරයි. මෙම මිනිසා පසුව මෙම වයලීනය විකුනා දමා ඇත.

දෙමල ජනයාට එරෙහිව දකුනේ පාලකයන්ගේ වර්ගවාදී පිලිවෙත් හා එහි අවසන් ප‍්‍රතිඵලයවූ ලේවැකි යුද්ධයේ ගොරතර විපාක ගැන, විශේෂයෙන් දෙමල තරුනයින් එය අත්දුටු ආකාරය ගැන, සාකච්ඡා කිරීමට රඝුගේ චරිතය යොදා ගෙන තිබේ. උතුරේ පාසැල් ගුරුවරියක වූ රඝුගේ මව ඔහු ඉදිරිපිටම මැරී වැටී ඇත්තේ (හමුදා වෙඩි පහරකින් හෝ ගුවන් ප‍්‍රහාරයකින් විය හැක) රඝු කුඩා කාලයේදීම ය. රඝූගේ නිවස තිබුන තැනවත් සොයා ගැනීමට නැත. දෙමල ඉතිහාස පොත් සොයා පරන පොත්හල්වලට යන ඔහුට දැන ගැනීමට ලැබෙන්නේ එවැනි ඉතිහාස පොත් නැති බව යි. දෙමල ජනයාගේ සැබෑ ඉතිහාසය අකාමකා දමා ඇති බව ලියනගේ තම නිර්මානය තුලින් ප‍්‍රබලව දනවයි.

ලියනගේ හුදෙක් එකී අතීත සිදුවීම් ගෙන එනවා පමනක් නොව තමා මුහුන දී සිටින ගොරතර තත්වයෙන් ගොඩ ඒම උදෙසා මිනිසුන් තුල පවතින අභිලාෂයන්, බලාපොරොත්තු සහ අධිෂ්ඨානය ද පෙන්නුම් කරයි. වයලීනයේ ඉතිහාසය සොයා සිදුකරන ඒ ගමනේදී රජීව් සහ නඳුනි අතර අර්ථ සම්බන්ධ ගැඹුරු පේ‍්‍රමයකට පදනම දැමෙන අතර අනෙක් අතට රජීව් සහ රඝු අතර මිත‍්‍රත්වය බලගතු අයුරින් වර්ධනය වේ.

සැබෑ ඉතිහාසය, විශේෂයෙන්ම කලාවේ සැබෑ ඉතිහාසය සොයා යන ගමන තුල, මනුෂ්‍ය වර්ගයාගේ උත්කෘෂ්ඨ ජයග‍්‍රහනයක් වන කලාව රැක ගැනීම සහ එය වර්ධනය කිරීමට නව පරම්පරාවේ කොටස් තුල වර්ධනය වන උත්තරීතර අභිලාෂය සෞන්දර්යාත්මකව ප‍්‍රකාශ කිරීමට ලියනගේ සමත් වෙයි. ඒ සමගම ශ්‍රේෂ්ඨ අරමුනු සඳහා මිනිසුන් යෙදෙන අරගලයේදී එකිනෙකා අතර වැඩෙන අන්‍යොන්‍ය සබඳතාවන්හි මානුෂීය චමත්කාරය ද ඔහු ප්‍රෙක්ෂකයාට ගැඹුරින් දනවයි.

ඒ සමගම, සංගීතය තුලට පැටවෙන කෘතිම තත්කාර්යවාදී පරමාදර්ශයන් මෙහිදී ප‍්‍රතික්ෂේප කෙරෙයි. සංගීතයේ අර්ථය පිලිබඳවත් ආදරයේ ස්වරූපය පිලිබඳවත් මෙහිදී ගොඩනැගෙන්නේ මානුෂීය මිනිස් සම්බන්ධතා මත පදනම් වූ සබඳතාවයකි. වයලීනයේ හඬ සම්බන්ධයෙන් කතා කරමින්, “අතීත මිනිසුන්ගේ වේදනාව... එයට ඇහෙන්න ඉඩ දෙන්න” යනුවෙන් රජීව් පවසයි. ඔවුන් දෙදෙනා අතර ආදරය ගොඩනැගෙන්නේ සමාජ සවිඤ්ඤානකත්වයේ වර්ධනය සමග බැඳෙමිනි.

ඉතිහාසය දැන ගැනීමෙන් පසු, වයලීනයේ හඬ නැවතත් යථා තත්වයට පත්ව තිබේ. චිත‍්‍රපටයේ අවසන් භාගයේදී නඳුනිගේ වයලීන වාදනය අසන අත්විඳින නඳුනිගේ පියා සහ මව අතර ඇතිවන සාකච්ඡාවේදී මව මෙසේ පවසයි: “පරන කුනු ගොඩවල් ගස්මුල්වලට පොහොර වෙන්නෙ නිකම්ම නොවෙයි. අලුතින් දලුදාලා මල් හටගන්නා වසන්තය වෙනුවෙන්. දැන් ඒකට කාලය හරි. වයලින් එක හරියට එයාගෙ ඇඟේ කොටසක් වගේ. දැන් එයාට ප්ලේ කරන එක නතර කරන්න බෑ.” යහපත් ලොවක් තැනීම උදෙසා අනාගත පරම්පරාවන් අතීතයේ පාඩම් ජීර්නය කරගනු ඇතයි යන සාධනීය සංකල්පය මෙයින් ගෙන එයි.

කෙසේ නමුත්, වයලීනයේ හඬ යලි ප‍්‍රකෘතිමත් කර ගැනීම සඳහා, නැතහොත් කලාව රැක ගැනීම සඳහා, නඳුනි අතීතයෙන් උගත් පාඩම කුමක්දැයි අපැහැදිලි ය. ඉතිහාසය කරා යන ගමනේදී ඇයට හමු වන්නේ කලාවට වින කටින කාල වකවානුවල කලාව විකුනා දැමූ පුද්ගලයන් ය. එම වකවානුවල කලාව නොවිකුනා එය රැක ගනිමින් අභීතව නිර්මානකරනයේ යෙදීගත් කලාකරුවන් මෙම තරුන තරුනියන්ට හමු නොවේ. රෝහන හා සිරිවර්ධන මෙන් සෑම කලාකරුවෙක්ම එම අසීරු කාලයන්හි දී කලාව විකුනා දැමුවේ නැත. ආන්ඩුවල වාරනයට ද මිලිටරියේ සහ වර්ගවාදීන්ගේ මරන තර්ජනවලට ද මුහුන දෙමින්, ප‍්‍රසන්න විතානගේ සහ අශෝක හඳගම වැනි ඇතැම් බැරෑරුම් කලාකරුවෝ යුද්ධය පිලිබඳව විවේචනාත්මක ආකාරයෙන් නිර්මානකරනයේ නියැලුනෝ ය. එම කලාකරුවන් පේ‍්‍රරනය වූයේ කිනම් ඉදිරි දර්ශනයන්ගෙන් ද යන්න ඉදිරිපත් කිරීමට ලියනගේ අපොහොසත් වන බැවින් නඳුනි ඇතුලු නව පරම්පරාව කලාව රැක ගනුවස් අතීතයෙන් ලබාගත් ඥානය ගුඪ දෙයක් බවට පත් වෙයි.
රජීව් සහ රඝු

කෙසේ නමුත්, අවසානයේ දී මෙම චිත‍්‍රපටිය තුලින් ප‍්‍රක්ෂේපනය කෙරෙන්නේ වත්මන් සමාජ අර්බුදය තුල කලාවට මානුෂීය භූමිකාවක් පවතින්නේ ය යන්නයි. එය පිලිබිඹු කරන්නේ උග‍්‍රවන්නාවූ සමාජ ම්ලේච්ඡත්වයට එරෙහිව ජාත්‍යන්තර පරිමානව තරුනයන් තුල වර්ධනය වන සවිඤ්ඤානකත්වයකි. සැමවිටම තම ගමන් බෑගය තුල පොත් රුවා ගන්නා රඝුට ඒ පිලිබඳ නෝක්කාඩු කියමින් කාමරයේ ඔහු කැමති තැනක පොත් තබා ගන්නා ලෙස රජීව් කරන සඳහන “මිනිසෙකුට තමන් කැමති ඕනෑම තැනක ජීවත්වීමට අයිතියක් ඇතැ යි” යන මූලික ප‍්‍රජාතාන්ති‍්‍රක මූලධර්මය පිලිබිඹු කරයි. දෙමල ජනයා පමනක් නොව දැන් රටේ සුලුතර මුස්ලිම් ජනයා ද කොන්කර තැබීමට මහින්ද රාජපක්ෂ ආන්ඩුවේ පිටුබලය ලබන සුලුතරයක් සිංහල වර්ගවාදීන් වෙත අතුල් පහරක් එල්ල කල ප‍්‍රබල අවස්ථාවකි, මෙය. රජීව්ගේ ඒ ප‍්‍රකාශයෙන් ආවේශය ලබන රඝු කාමරයේ එක් ස්ථානයක පොත් රාක්කයක් සාදා එය විවෘත කිරීමට සිය මිතුරාට ආරාධනා කරන අවස්ථාව ද අතිශයින් ප‍්‍රබල අවස්ථාවකි. විෂකුරු වර්ගවාදය කීතු කරමින් අනාගතය පිලිබඳ බලාපොරොත්තු රඳවමින් රජීව් පවසන්නේ “අපි මෙය තව පුරවමු” යන්නයි.

අවසන් දර්ශනයේදී රජීව් නඳුනිට පවසන්නේ වයලීනයේ හඬ යලි වතාවක් වෙනස් විය හැකි බව යි, එහෙත් තරුනිය පවසන්නේ එය “කෙසේ හෝ නොවෙනස්ව පවත්වා ගනිමු” යන්න යි.

සත් කලාව ද ඇතුලු යහපත් ලෝකයක් උදෙසා තරුන ජනයාගේ මේ අදිටන හුදෙක් පුද්ගලවාදී වෙර වීර්යයෙන් පවත්වා ගත නොහැක. අද දින මානව වර්ගයා ගමන් කරමින් සිටින්නේ තම ඉතිහාසයේ වඩාත්ම අර්බුද ග‍්‍රස්ත යුගය තුලිනි. ලෝක යුද්ධ දෙකක් පැන නැංවීමට තුඩු දුන් ධනේශ්වර පද්ධතියේ අභ්‍යන්තර පරස්පර විරෝධයන් අන්කවරදාකවත් නොවූ පරිමානයට තීව‍්‍ර කෙරී ඇති අතර, ධනපති ක‍්‍රමය විසින් තුන්වන ලෝක යුද්ධයක අද්දරටම මනුෂ්‍ය වර්ගයා රැගෙනවිත් පවතී. පෙර ලෝක යුද්ධ කාල පරිච්ඡේදයන්හි කලාවේ ස්වාධීනත්වයට එල්ලවූ ප‍්‍රහාරයන් පරයා යන බරපතල ප‍්‍රහාරයන් අද දින කලාව ඇතුලු සමස්ත මානව සංස්කෘතියට එල්ල වී ඇති අතර න්‍යෂ්ටික අවි භාවිතා කිරීමට නියමිත තුන්වන ලෝක යුද්ධයකට සමස්ත මනුෂ්‍ය ශිෂ්ඨාචාරයම විනාශ කිරීමේ විභවය ඇත.

මෙම ව්‍යසනයෙන් ගැලවී ගත හැකි වන්නේ එය පැන නංවන ධනේශ්වර පද්ධතිය ලෝක පරිමානව පෙරලා දමීමෙනි. එය සාක්ෂාත් කල හැක්කේ ධනවාදය විප්ලවවාදී ලෙස පෙරලා දැමීමේ ශක්‍යතාව සහිත එකම පන්තිය වන කම්කරු පන්තිය ජාත්‍යන්තර සමාජවාදය මත ලෝක පරිමානව බලමුලු ගැන්වීමෙනි. මෙම ඉදිරි දර්ශනය මත සටන් වැදීමෙන් තොරව නඳුනි ඇතුලු නව පරම්පරාවට වයලිනයේ හඬ නොවෙනස්ව තබා ගැනීමට, නැතහොත් කලාවට එල්ල වන පීඩනය අභිබවමින් එය ස්වාධීනව පවත්වා ගත නොහැක.

“විප්ලවය සඳහා ‐ කලාවේ නිදහස.

“කලාවේ පරිපූර්න විමුක්තිය සඳහා‐ විප්ලවය!”

VIDEO

OUR POPULAR STORIES

Archive

Powered by Blogger.